MARKA 14:18 - PATHIAN LEKHABU THIANGTHO (BSI)

¹⁸ Tichun, a kichuu a, ankuang a hun ûm phat un Jesu chun, “Titakzet in ka hil la hiu, ka an nêkpi, la lak ua pakhat hin ei matsak ding la hiu,” a tia.

MARKA 14:18 Referans Kwoze

SAM 41:9

Ka gual ngai pen, ka ginchak ma ma, ka vaithum nêkpi natiang in, ka siatna ding tup in, a kengtaw ka chung in a lâm tai.,

JOHAN 6:70

Jesu’n a dawnhu, “Nanghaw sawm leh nite hi keima hun têl hilo la hiu em? Ahi’n, la lak ua pakhat Diabol la hi zing ui,” a tia.

JOHAN 6:47

Titakzet in ka hil la hiu, kuale keima ei gingcha chun kumtuang hinna a nei hi.

JOHAN 13:38

Jesu’n a dawnhu, “Keima ziakin la hinna maw la piak ding? Titakzet in ka hil la hi, âk khua’n ma’n thum vei ei kilepsan ding la hi,” a tia.

JOHAN 13:21

Jesu’n zia thute chu a gen lai in, a lunggim ma ma ah, kichian tak in a gen a: “Titakzet in ka hil la hiu, la lak ua mi pakhat in ei matsak ding la hiu,” a tia.

JOHAN 6:32

Ziaphatchun, Jesu’n a kiang un, “Titakzet in, ka hil la hiu, zia van ah kipat vaithum kha, Mosi hun piak a hipua’n, ka Pa’n van ah kipat vaithum tak chu a hun pia ahi.

JOHAN 6:26

Jesu’n a dawnhu a, “Titakzet in ka hil la hiu, thilmakte la mu ziak ua ei hawl la hipuau in, vaithum la nekvâ ziak ua ei hawl la hizawu hi;

JOHAN 5:19

Jesu’n a kiang un, Titakzet in ka hil la hiu, Chapa hin ama thu thu’n bangma a bawl puai; Pa thu hiatsak in bangkim a bawl zaw ahi; ama’n thil a hi’taphot chu, zia ma chu Chapa’nle a hi’ sek ahi.

JOHAN 3:11

Titakzet in ka hil la hi, kei un ka het uh chu ka gen sek un, ka muu chu ka hiatsak sek ui; himaleh, la taksang ngai puau hi.

JOHAN 3:5

Jesu’n a dawnhu a, “Titakzet in ka hil la hi, mi kuale, tui leh Thagau ah a pianlo chun, Pathian gam lutthei pua’n a,

JOHAN 3:3

Jesu’n a dawnhu a, “Titakzet in ka hil la hi, mi chunglam ah kipat a pianthak lo chun, Pathian gam muthei pua’n a,” a tia.

JOHAN 1:51

Titakzet in ka hil la hi, tu’nung leh van kihong ah, Pathian vansawlchâkte Mihing Chapa chung ah kum suk leh kal to hun mu ding la hi,” a tia.

LUKA 11:51

Abel thisan ah kipat, mâichâm leh mun thiangtho kikâl ah Zekhariah thisan kisua tiang in, tu’lai khangthakte chung ah hin kiphût ding a hi.

LUKA 4:24

Titakzet in ka hil la hiu, Jawlnei chu ama umna khua leh gam sung in a lop ngai sek puau hi.

MARKA 14:25

Titakzet in ka hil la hiu, Pathian gam ah a thak ah ka dawn ding ni a tun kit masia, zia grep tui hi dawn kit talo ding ka hi, a tia.

MARKA 14:9

Titakzet in ka hil la hiu, khawvel pumpi chanchinpha kigenna taphot ah, zia a thilbawl hile ama hetzingna dingin gen khawm pek in au,” a tia.

MARKA 10:29

Jesu’n a dawnhu, a kiang in, “Titakzet in ka hil la hi, kuale a In a hem, a suapipa a hem, a suapinu a hem, a nu a hem, a pa a hem, a ji a hem, a cha a hem, a gam a hem, keima leh chanchinpha ziak ah nusia chu,

MARKA 10:15

Titakzet in ka hil la hiu, kua’nle zia naupangte gual ah Pathian gam a la lawp lo ahi chun, a sung ah lut lo hial in au,” a tia.

MARKA 9:41

Titakzet in ka hil la hiu, Khrista min ah tuivot no khat dawn ding hun pe tapo chunle, kipak man mulo in um pua’n au,” a tia.

MARKA 9:1

Chuleh, a kiang un, “Titakzet in ka hil la hiu, Zia tak ah dingte lak ah hin, Pathian gam chu thilhitheina tawh hung tung a mu masang siau thina tep lo ding lawi a um ui,” a tia.

MARKA 8:12

Ama chu a lungthim gil tak ah nasa tak in a hung thûm ah, “Bangatia tu’lai khangthakte hin tepte’na hawl a hiu em? Titakzet in ka hil la hiu, Tu’lai khangthakte kiang ah hin tepte’na him him piak hipua’n a,” a tia.

MARKA 6:11

Kuale nangmau hun lawp lo ah, la thugenteu le ngai nuamlote chu, amau in a maw kipuak ding ahi dan uh hiatsakna dingin, la keng ua leivui thinthâk khum malam sek un,” a tia.

MARKA 3:28

Titakzet in ka hil la hiu, mihingte hi a gitlonau leh a Pathian gensiatnau ngaidam thei sik sek ahi;

MATTHAI 26:21

An a nêk lai tak ua chun, titakzet in ka hil la hiu, la lak ua mi pakhat in ei matsak ding la hiu, a tia.

MATTHAI 6:5

La pauchap phat leh, miphalêmte gual ah la hi’ding ahi puai; amau chun mi mutheina ding sunagog leh, khawlai lamka bul ah te’n a pauchap nuam diak sek ui. Titakzet in ka hil la hiu, a kipakman uh chu a mu zo tau hi.

MATTHAI 6:2

Chutichun, tasam kiang ah thil khat la piak in, miphalêmte’n mi pakchât a law theina ding ua kikhopna Inte, khawlai dungte ah a piak sek gual uh hin la malam ah pengkul mûtsak in suklat gaw kiu in. Titakzet in ka hil la hiu, a kipakman uh chu a mu zo tau hi.

MATTHAI 5:18

Titakzet in ka hil la hiu, Lei leh Van a manthai masia, Dan thu sutvom neucha a hem, zikvom neucha a hem, a leng ua a tunkim masang sia pakhat chale mangthai pua’n a.

JOHAN 21:18

titakzet in ka hil la hi, la naupan lai in nang in la kawng la kigâk in, la nopna lam lam in la chia sek hi. La hung upat phat leh vang, la khut jak in la tin, midang in la kawng hun gâk piak intiu in, la chia nop lona lam lam in hun kai in au,” a tia.

MATTHAI 6:16

An la ngawl tak ua leh le mi phalêmte gual in ngui mêl pu kiu in; amau chun mi mit mu ah anngawl a hiu kilat theina dingin, a mêl uh a hinâng chiat chuat sek ui. Titakzet in ka hil la hiu, a kipakman uh chu a mu zo tau hi.

MARKA 14:17

Nitâk ah chun, sawm leh nite tawh a hung khawm tau a.

MARKA 14:19

Amau haw chu a hung lungkham tau ah, pakhat khat in a kiang ah chun, “Kei vang hi pua’ng ka maw?” ti’n a dong chiat tau a.

LUKA 22:21

ahi’n, en un, ei matsak ding pa chu ka kiang in a um ah, a khut chu dawkân ah hin a um tai.

JOHAN 13:18

La leng ua thu ka gen ei puai, ka têlte chu ka hia’i; ahiziak in, ‘Ka vaithum nepa’n ka chung ah a keng khawtal a lâm tai,’ ti Pathian Lekha thu’n a gen kha a guitun theina ding ahi.

JOHAN 13:22

Ziaphatchun, nungzuite chu a ki-entuau ah, kuapen a gen ahila a hepuau a,