MARKA 14:12 - PATHIAN LEKHABU THIANGTHO (BSI)

¹² Vaithum thawipanglo Kût bawl ni, ni masa pen ah, Chiakân Kûtna ding gancha a tha niu ah chun, a nungzuite chun a kiang in, “Chiakân Kût jan an nêkna ding mun, ka vachiau ah, ka va guanggalna ding uh chu khoi tak a hem?” a tiu a.

MARKA 14:12 Referans Kwoze

PAWTDAWNA THU 12:18

Tha masa pen ah a ni sawm leh li nitâk lam ah kipat a ni sawmni leh khat tin ni nitâk lam tiang in thawipanglo vaithum la nêk ding uh ahi.

PAWTDAWNA THU 12:6

Zia tha ma ma, a ni sawm leh li tin ni tiang in la koi ding a hia; Israel mipite chun zia nitâk thimbut phat chuleh that uh hen.

PAWTDAWNA THU 12:8

Zia jan ma ma ah chun a sa chu mei ah hai min in, thawipanglo vaithum tawh, lokha tawh la nêk ding uh ahi.

GALATIA 4:4

himaleh, a hunbî a hung tin phatin, Pathian in a Chapa, numei suan in, dan nuai ah hung piang in a hun sawl tai.

PAWTDAWNA THU 13:3

Mosi’n mipite kiang ah chun, “Aigupta gam ah saltânna In a kipat la hung pawtdawna niu, zia nikhua hi hezing unla: bân thahât ah Lalpa’n zia gam ah kipat chu a hun puidaw la hiziak un, thawi kisaw vaithum la nêk him him lo ding uh ahi.

MATTHAI 3:15

Himaleh, Jesu’n a kiang in, “Tu’hin ei chansak mai in, zia gual ah dikna dan zosia sukbukim hi I bawl dingin a kilawm hi,” ti’n a dawnhu a; tichun lem a sa tai.

DAN LEKHABU 16:5

Lalpa la Pathian un a hun piakna gam sung ah la chênnau khua him him ah chiakân kût kithoina la bawl lo ding uh ahi.

MARKA 14:1

Chiakân kût leh vaithum thawipanglo kût bawlna dingin ni ni a um nalai a. Thiampulalte leh lekhazikte chun, lungthim thiam ah mat ah tha theina ding a hawl tau a;

MARKA 14:11

Zia thu chu a la het un a kipak ma mau ah, dangka piak dingin a la tiam tau a. Zia kipat chun a mat ding dan a ngaitua pan tai.

MARKA 14:13

Ziaphatchun, a nungzuite lak ah pani a sawl a, a kiang un, “Khawpi valut leu chin pawsal khat tuibêl pua vamu’n la tiu in, zia pa chu zui unla.