MARKA 13:5 - PATHIAN LEKHABU THIANGTHO (BSI)

⁵ Jesu’n a kiang un, “Kuama’n a hun pui mang zaw lona ding un chingthei tak in um un.

MARKA 13:5 Referans Kwoze

KOLOSSA 2:8

Chingthei tau in, chutilochun, kua’nle Khrista thu lo gual in, mihingte thugosia leh khawvel thubulte gual in, a thupilteu leh thepna mai mai un gâllâk in hun la kha’n au.

EPHESA 5:6

Kuama’n thu manlo in hun thêm kiu hen; ziate ziak ah hin thu awilo chate chung ah Pathian lungnatna a tung sek hi.

JEREMIAH 29:8

Sepai honte Lalpa, Israelte Pathian in zia gual hin a gen ngal a: La lak ua jawlneite leh âisân thiamte chu kithepsak kiu inla, a mang matteu chule limsak kiu in;

1 JOHAN 4:1

Doitakte haw, thagau zosia taksang kiu inla, thagaute chu Pathian ah kipat a hiu em ti enchian zawu in; khawvel ah hin jawlnei lêm tam tak a pawtdok tangal un.

2 THESSALONITE 2:3

Kuama’n bangma chan hun thêm kiu hen; puksanna a hung tun masak phot ah, Dan Susepa, mangthai chapa chu a hung kilat lo leh zia ni chu hung tung lo ding ahi ngal a.

1 KORINTH 15:33

Thepzaw in um kiu in: “Gual phalo in nunchan pha a susia sek hi”.

LUKA 21:8

Ama chun, “Thepzaw ah la um lona ding un chingthei un. Mi tam tak ka min in hung intiu in, ‘Ama chu ka hi,’ a hun ti ding hun uh a nai tai. Zia gual mite chu zui kiu in.

MARKA 13:4

“Zia chu bangtik leh a hung tung diam? Ziate hung tunna ding tepte’na chu bang a hem ei hil in,” ti’n a chuam in a dong un.

MARKA 13:6

Mi tam tak ka min in hung intiu in, ‘Ama chu ka hi,’ ti’n mi tam tak hun pui mang in au.