MARKA 13:34 - PATHIAN LEKHABU THIANGTHO (BSI)

³⁴ Mihing Chapa hi, khual gamla tak ah mi pakhat zindok gual chu ahi; zia pa chun a In a nutsia ding kuan in, a suakte kiang in thuneina a pia’n, a sep ding uh a pechiat ah, kotkhak vêngpa le ginum tak ah la vêng dingin thu a piai.

MARKA 13:34 Referans Kwoze

JOHAN 10:3

Ama chu a kotkhak vêngpa chun kot a hon piak ah; a belamte’n le a aw a hiau ah; ama belamte chu a min un a ko chiat ah, a puidok sek hi.

KOLOSSA 3:24

La kipakman diu goluana chu chang ding la hiu ti la hiau a, Lalpa Khrista na chu la sêm uh ahi.

1 KORINTH 15:58

Ziaziakchun, ka doitakte haw, suklîng zaw lo ding ah det tak in um unla, Lalpa nasepna chun theitawp sua zing un; la sepgimnau chu Lalpa ah chun a thawn puai, ti la he ngal un.

MATTHAI 16:19

Van-gam chabi chu la khut in pia’ng ka tin, lei ah la kân chu van ah le kân hi’ntin; lei ah la thap chu van ah le thap hi’n a, a tia.

THUPUAN 3:7

Philadelphia khua kochuam vansawlchâk kiang ah chun, zia gual hin zik in: Zia thute hi mithiangtho leh midik, David chabi nei, kuama khâk theilo ding ah hong leh, kuama hon theilo ding ah khâk khan a gen hi:

KOLOSSA 4:1

Hotute haw, nanghaw’n le van ah Hotu la nei ui ti hia’n, la suakteu chung ah dik tak leh kilawm tak in bawl un.

ROMTE 13:6

Ziaziak tak ah hin Sia le la pesek uh ahi. Zia thilte sêm ding ah chun Pathian nasem ahi ngal un.