MARKA 13:33 - PATHIAN LEKHABU THIANGTHO (BSI)

³³ Ziaziakchun, chingthei tak leh pilvâng tak in um zing un; a hun ding kuama’n la hepaw ngal un.

MARKA 13:33 Referans Kwoze

EPHESA 6:18

Thagau ah chun pauchapna leh dotna zosia’n huntin in pauchap un. Zia ding ah chun, mithiangtho zosia â dingin phatchuamngai tak thuak zo tak ah don in hu’ngai zing un.

LUKA 12:40

Zia gual tak ah chun, nang uh le kiging zing in um un; Mihing Chapa chu la ginchâk lo lai tak un hung ding ahi, a tia.

THUPUAN 16:15

(Ngai un, gucha gual in ka hung hi. Kuale kiging zing ah umte leh puanchêng zingte chu mi hampha a hiu. A la kiginglote chu ngawnchang in um intiu in, mualpho in au.)

1 PETER 5:8

Pilvâng tak in chingthei un; la mêlmau Diabol chu sakeibaknei kitum gual in a nêk ding hawl in a vâk vêl vêl hi.

1 PETER 4:7

Himaleh, thil zosia tawpna chu a nai tai, ziaziakchun, la pauchap theina ding un lungthim dik tak pu’n chingthei un.

MATTHAI 25:13

Zia gual chun, kiging zing in um un, Mihing Chapa hung ding ni leh, a hun ding bangma la he pawngal un, a tia.

THUPUAN 3:2

Kivêng inla, a hing nalai sun, thi vâng vângte kha hi’hat kit in; la thil hi’te kha ka Pathian mit mu in a buting him him a um puai.

1 KORINTH 16:13

Kivêng unla, ginna’n ding det in, hangsan tak leh hat tak in um un.

MARKA 13:23

Nang uh vang pilvâng tak in um un, bangkim ka hun hil lawk la hiu hi.

HEBRAITE 12:15

Pathian doisakna chang zo lo ah kuama la hung um lona ding un chingthei tak in um un; la lak ua buaina hun tun thei ding leh, mi tam tak hun subuak thei ding kituak lona zung la lak un ke’dawsak kiu in.

ROMTE 13:14

Lalpa Jesu Khrista ah chun kithuam zawu inla, taksa utna te pitin dingin bangma bawl kiu in.

KOLOSSA 4:2

Pauchap zing unla, kipak thu gen kawm in ngâk zing un.