MARKA 13:32 - PATHIAN LEKHABU THIANGTHO (BSI)

³² Himaleh, a ni leh a hun ding chu kuama’n a hepuai, vansawlchâkte’n le, Mihing chapa’n le a hepuai, Pa bep in a het ahi.

MARKA 13:32 Referans Kwoze

NASEPTE 1:7

Ama chun, a kiang un, “Pa’n ama thuneina a koi ahiziak in, a hun leh nite chu nangmau het ding ei puai.

MATTHAI 25:13

Zia gual chun, kiging zing in um un, Mihing Chapa hung ding ni leh, a hun ding bangma la he pawngal un, a tia.

THUPUAN 3:3

La thil mu dan leh het dante kha hezing in vop pha’n la, la lung hun hei ta’n. La kivên lo chun gucha gual in hung ing ka tin, bangtik hun ah ka hun phawn ding helo la hi.

MATTHAI 25:6

Jankhang lai tak chun, ngai tiam un, moneipa a hung tai, a dawn dingin hung pawt tau in, ti ah kiko gi a hung um ta’n.

2 PETER 3:10

Himaleh, Lalpa ni chu gucha gual in hung in a; ziaphat chuleh, vante chu git ngai tak ah mangthai in, thilbulte le mei ah haltui hita’n a; lei leh a sung ah thil kibawlte zosia chu kâng tum ta’n a.

MATTHAI 25:19

Sawt tak nung in zia suakte pu chu a hung tung ta’n, a dangkau kha bang a la lawu em ti a hun etpi ta’n.

THUPUAN 1:1

Jesu Khrista thupuan, Pathian in a suakte kiang ah hiatsak ding ah a piak, thil hung um pai dingte chu; zia chu a vansawlchâk hun sawl in, a suak Johan chu a hun musak ta’n;

MARKA 13:31

Lei leh van mangthai intin, ka thu ahileh vang mangthai pua’n a.