MARKA 13:27 - PATHIAN LEKHABU THIANGTHO (BSI)

²⁷ Ziatak chuleh a vansawlchâkte hun sawl intin, a mi têlte kawl kil li sung ah umte chu lei langkhat ah kipat in van tawp tiang in hun lakhawm in a.

MARKA 13:27 Referans Kwoze

ZEKARIAH 2:6

Hung tho un! Hung tho un! mallam gam ah kipat in jam mang un, Lalpa‘n a tii. Van hui palite gual in gam tin ah ka hun thejak ta’ngal a, Lalpa‘n a tii.

MATTHAI 24:31

Pengkul gi nasa tak tawh, a vansawlchâkte hun sawldok intin, kawl kil li ah kipat, van tawp langkhat lam ah kipat a langkhat lam tiang in, a mi têlchuamte chu hun lakhawm in au.

DAN LEKHABU 30:4

Kawlkawdong tiang ah thejak ah um hiziangleu chinle, Lalpa la Pathian un, zia kipat chun hun kaikhawm kit in, hun pui kit tho tho ding ahi.

2 THESSALONITE 2:1

Suapite haw, I Lalpa Jesu Khrista hung kitna leh ama tuak ding ah I kikhopna ding thuu ah chun,

LUKA 16:22

Mi gentheipa chu a hung thi ta’n, vansawlchâkte’n a pui ua, Abraham ângsung in a koi tau a. Mi hausapa chule a hung thi ta’n, a vui tau hi.

MARKA 13:20

Lalpa‘n zia hun chu hi’chom lo vang leh, mihing him him dam in suakcha pua’n au; himaleh, ama’n a têldawte ziakin a hun chu a sukchom ahi.

MATTHAI 13:41

Mihing Chapa chun a vansawlchâkte sawldok intin, a gam ah kipat in migilote leh mi gitlosakte chu hun lakhawm intiu in;

1 PETER 1:2

thu mang ding leh, Jesu Khrista thisan thêkhum ding ah Thagau in a sukthian, Pa Pathian hetlawk gual ah têlte kiang ah, la chung un hepina leh chamna um ta hen.

2 TIMOTHI 2:10

Ziaziakchun, têlte ziak ah chun bangkim in ka thuak zo hi; chutia, amau inle Khrista Jesu ah hukdamna chu, kumtuang lopina chu tawh a mutheina ding un.

KOLOSSA 3:12

Chutichun, Pathian mi têl, mithiangtho leh doitakte gual in lainatna lungthimte, hepinate, kingaitawmnate, thunuaigolnate leh thok-hatnate chun kivan tau in;

ROMTE 8:33

Pathian mitêlte chu kua’n hêk thei ding a hem? Thiam chansakpa chu Pathian ahi ngal a.

JOHAN 11:52

zia namte â ding bep chule hilo in, Pathian chate gam tin ah kithejak ah umte a puikhawm kit theina dinginle ahi.

JOHAN 10:16

Zia belam huang ah hilole belam dang ka nei nalai hi; amau haw chule hun pui ding ka hi, ziate chunle ka aw hun hia’n tiu in, belampu pakhat nuai in, huang khat ah hung lawi khawm ding a hiu.

LUKA 18:7

Pathian chun, a mi têlte sun leh jan ah ama kiang ah thûm leh mau ah umte chu, phuba lâkpiak lo in jaidaw zing ding a hem?’ a tia.

MARKA 13:22

Messiah lêmte leh jawlnei lêmte chu hung um intiu in, tepte’na leh thilmak lamdang tak tak hun mu sak intiu in, thei vang leh teldawte natiangle thep zaw gaw ding a hiu.

MATTHAI 24:24

Messiah lêmte leh jawlnei lêmte hung pawt intiu in, melchikna leh tepte’na thupi tak tak le hun etsak in au; hithei vang leh têlchuamte hial le thep zaw hun gua’n au.

MATTHAI 24:22

Zia ni chu sukchom hilo vang leh, mihing kuama a suakcha umlo ding ahi; himaleh, têlchuamte ziakin zia ni chu sukchom hiding ahi.

MATTHAI 13:49

Khawvel tawp hun tak leh le zia gual chu hi’n a; vansawlchâkte hung intiu in, mi phate lak ah kipat chun mi phalote hun zendok ding a hiu.

MATTHAI 12:42

Vaihawm ni tak leh simlam lengnu khale hung kipan intin, tu’lai khangthakte hi thiamlo hun chansak ding ahi; Solomon pilna thu he ding mai in bawn kawlmong ah kipat in a hung hi; ngai un, Solomon sâng ah lopi zaw zia hin a um hi.

ISAI 65:9

Jakob ah kipat suan leh pâk pian dawsak ing ka tin, Judah ah kipat in ka mualte lua ding siam ing ka; ka têlchuamte chun go chu lua in, ka suakte chu zia tak ah chun chêng ta’n au.

THILSIAM THU 49:10

Laltiang chu Judah lak ah mang pua’n tin, vaihawmna laltiang chu a kêngkâl ah kipat bei diak pua’n a;

MARKA 13:28

Theichang kung ah kipat hin tekhinthu zil un; a bâkte a hung sel ah, a duate a hung um pat tak leh nipi a nai tai ti la he sek ui.