MARKA 13:26 - PATHIAN LEKHABU THIANGTHO (BSI)

²⁶ Ziaphat chuleh Mihing Chapa hi a lopina tawh, thilhitheina thupi tak tawh, sûm chung ah khin hung suk in a.

MARKA 13:26 Referans Kwoze

THUPUAN 1:7

En un, ama chu sûmpi khi tawh hung ding ahi, mit zosia’n hun mu’n au, a nâk a la sunte ma ma khanle; chuleh khawvel ah nam zosia’n ama chu sûn in kâ in au. Ahi, Amen.

MARKA 14:62

Jesu chun: “Ka hi. Dan tak leh Mihing Chapa hi, thil hitheipa khut changlam ah kichu, van sûmpi ah hung suk, hun mu ding la hiu,” a tia.

MATTHAI 24:30

Zia tak chuleh, Mihing Chapa tepte’na chu van ah hung kilang intin, lei ah nam zosiate chun hun sûn intiu in, Mihing Chapa chu a lopina tawh, a thilhitheina tawh, van sûm chung ah hung chu a la mu’n au.

MATTHAI 16:27

Mihing Chapa hi a vansawlchâkte tawh, Pa lopina kithuam ah a hung tak leh, mitin in a nasep dungzui chiat un hun dit kit ding ahi.

MATTHAI 25:31

Mihing Chapa chu a vansawlchâkte tawh, a lopina kithuam ah a hung tak leh, a lopina lalchutpha chung ah hung kichu’n tin;

MARKA 8:38

Kuale tu’lai khangthak ângkawm leh gilo lak ah, keima leh ka thu japi tapo, Mihing chapa’n vansawlchâk thiangthote tawh, a Pa lopina kivan ah a hung phat leh, zia mi ngei chu hun japi thuk in a,” a tia.

1 THESSALONITE 4:16

Lalpa ngei chu thupiak kiko thawm tawh, vansawlchâk chungnungpen kona tawh, Pathian pengkul gi tawh, van ah kipat hung ding ahi ngal a: Chuleh, Khrista ging ah thi tate kha tho masa’n tiu in;

NASEPTE 1:11

Amau chun, “Galili mite haw, bangatia van lam en ah ding zing la hiu em? Zia Jesu, la kiang ua kipat van lam ah lâk to ah um hi, van lam ah chia to la mu gual ngei un hung kit ding ahi,” a hun tiu a.

MATTHAI 16:17

Jesu’n a kiang in, Simon, Jonah Chapa, la hamphai! Taksa leh thisan in a hun hiatsak a hipua’n, van ah ka Pa’n a hun hiatsak ahi zawi.

MATTHAI 16:28

Titakzet in ka hil la hiu, zia tak ah dingte lak ah hin, Mihing Chapa a Lal gam ah hung a mu masiau thina teplo ding a um ui, a tia.

MARKA 9:1

Chuleh, a kiang un, “Titakzet in ka hil la hiu, Zia tak ah dingte lak ah hin, Pathian gam chu thilhitheina tawh hung tung a mu masang siau thina tep lo ding lawi a um ui,” a tia.

LUKA 21:27

Ziaphat chuleh, Mihing Chapa hi lopina nasa tak tawh, a thilhitheina tawh sûm lak ah hung a la mu’n au.

2 PETER 1:16

I Lalpau Jesu Khrista thilhitheina leh a hungna thu ka hun hil lai un, tuanthu pil tak ah ngaitua dawte mai zui ka hi puau ah, a lopina mutute ka hi zawu hi.