MARKA 13:20 - PATHIAN LEKHABU THIANGTHO (BSI)

²⁰ Lalpa‘n zia hun chu hi’chom lo vang leh, mihing him him dam in suakcha pua’n au; himaleh, ama’n a têldawte ziakin a hun chu a sukchom ahi.

MARKA 13:20 Referans Kwoze

MATTHAI 24:22

Zia ni chu sukchom hilo vang leh, mihing kuama a suakcha umlo ding ahi; himaleh, têlchuamte ziakin zia ni chu sukchom hiding ahi.

ISAI 6:13

Thinghi thing a hem, gangpi thing a hem, a kiphûk nung ah le a bulsum a um gual in, a lak ua mi sawm lak ah khat ziang le, nutsia a um nâk lai chun, mei ah hâl tum hi nalai in au; chi thiangtho chu a bulsum gual in, um nalai in a,” ti in.

ISAI 1:9

Sepai honte Lalpa‘n tawmcha khat ei la hawil lo vâng leh, Sodom gual in a la um tai tiu in, Gomorrah gual a la hita ding I hiu.

MARKA 13:19

Zia hun tung ding ah gentheina chu, zia gual ah huaisia him him chu Pathian thilsiam tîl ah kipat tu’hun tiang ah le um kha nai lo a hi’n, a nung inle um kit ta ngai lo ding ahi.

MARKA 13:21

Zia hun tak chuleh min la kiang un, “En tia, zia hin Messiah chu a um hi!” a hem, “Zia son a um hi!” a hem tileule taksang kiu in.