MARKA 13:13 - PATHIAN LEKHABU THIANGTHO (BSI)

¹³ Keima min ziakin mi zosia muda hi’n lau; himaleh, a tawp tiang ah thuakzote chu hukhin in um in au.

MARKA 13:13 Referans Kwoze

MATTHAI 10:22

Keima min ziakin mi zosia huat hi’n lau; himaleh, a tawp tiang ah thuak mualsuak tapo chu hukdam in um in au.

MATTHAI 24:13

Himaleh, a tawp tiang ah thuakzote chu hukhin in um in au.

LUKA 6:22

Mihing Chapa ziak ah a hun huat ua, a hun pâm pai ua, a hun hosiat ua, a hun sukminsiat phat ua leh mi hampha la hiu,

GALATIA 6:9

Ziaziakchun, thilpha hi chimchâk puai tiu; I kithada lo uh chun a hun tak in ât ngei ding I hingal un.

ROMTE 2:7

Kuale thilpha hi ah, dawthei tak ah umte chun, lopina leh choisânnate, thitheilona leh kumtuang hinna chu chang in au.

JOHAN 15:21

Himalehle, zia thil zosia hi ka min ziakin la chung un hun bawl in au, kei ei sawlpa a het lo ziak un.

THUPUAN 2:10

La thil hun thok dingte hi lau kin; ngaitia, patep ah la umtheina dingin diabol in la lak ua khenkhat suangkul ah hun khum intin; ni sawm sung genthei thuak in lau. Himaleh, thi tiang in ginum in hung um ta’n; tichun, hinna lallukhuk hun pia ding ka hi.

DANIAL 12:12

Ni sang khat za thum sawmthum leh nga a bei tiang ngâk ah thuakzote chu mi hampha a hiu.

HEBRAITE 10:39

Himaleh, ei haw vang mangthai ding ah kinungtawl pawl I hipuau a; hukhinna chang ding ah gingte I hizawu hi.

HEBRAITE 3:14

A tîl ah kipat I ginnau kingakna kha a tawp tiang ah I tûkdet ua chun, Khrista kikoppite chu I hitau hi.

JOHAN 17:14

Keima’n la thu a kiang un ka pia ta’n, keima khawvel ah mi ka hi’lo gual ma’n, amau hawle khawvel ah mi a hi’lo ziak un, khawvel in amau chu a haw tai.

LUKA 21:17

Keima min ziakin mi zosia muda hung hi’n lau.

MATTHAI 24:9

Nang uh chu gawt dingin hun matsak intiu in, tha le hun that in au; ka min ziakin nam zosia huat in um in lau.

THUPUAN 3:10

Ka thu, thok gunchuna chu la vop zing ziakin, khawvel ah mi zosia patepna hung tung ding ah hin, patep ah la um phât leh keima’nle hun humbit ding ka hi.

JAKOB 1:12

Thepna thuak ham ham mi chu mi hampha ahi. Zia gual mi chun patepna chu a thuakzo ta’n, Lalpa‘n ama hepite â ding ah a tiam, hinna lallukhuk chu chang ding ahi.

1 JOHAN 3:13

Suapite haw, khawvel in a hun huat hi maksa kiu in.

MARKA 13:12

Zia tak chuleh, mi pakhat chun a suapi chu tha dingin hun matsak in tin, Pa chunle a chapa, chate’nle a nu leh pateu do dingin kipan intiu in, a thina ding uh le hun ngaitua in au.