MARKA 13:12 - PATHIAN LEKHABU THIANGTHO (BSI)

¹² Zia tak chuleh, mi pakhat chun a suapi chu tha dingin hun matsak in tin, Pa chunle a chapa, chate’nle a nu leh pateu do dingin kipan intiu in, a thina ding uh le hun ngaitua in au.

MARKA 13:12 Referans Kwoze

MATTHAI 10:21

Tha dingin unau leh unau kimattua sak intiu in, pa’n le a cha matsak intiu in; chate’nle a nu leh pateu do intiu in, thâsak in au.

LUKA 21:16

Chuleh, la nu leh pateu, la suapiteu, la unauteu leh la gualteu le, nanghaw matsak in hung pang in au; a khenkhat le hun that in au.

MATTHAI 24:10

Ziaphat chuleh, mi tam tak pûk intiu in, kimatsak tua in; hung kimuda tua in au.

EZEKIEL 38:21

Ka tâng zosia ah Gog do dingin chemjam kodok ing ka tin, chemjam zosia’n a lawite do ta’n au, Lalpa Pathian in a tii.

MARKA 13:11

Ahi’n, mat leh piakdaw ah la um tak ua leh le, la gen ding uh chu ngaitua lawk diak kiu inla, la lungthim unle gêl masa kiu in; a hun tak ah la kiang ua hiatsak ah um chu gen mai un; nangmau ah kipat pawt la gen ding uh a hipua’n, Thagau Thiangtho in a hun hiatsak ding a hizaw ngal a.

MARKA 13:13

Keima min ziakin mi zosia muda hi’n lau; himaleh, a tawp tiang ah thuakzote chu hukhin in um in au.