MARKA 13:10 - PATHIAN LEKHABU THIANGTHO (BSI)

¹⁰ Chun, chanchinpha hi nam zosia kiang ah gen suak hi masa ding ahi.

MARKA 13:10 Referans Kwoze

MATTHAI 24:14

Chuleh, zia Gam Chanchinpha hi nam zosia hiatsakna dingin khawvel zosia ah genjak in um intin; ziazaw chuleh, tawpna chu hung tung in a.

KOLOSSA 1:23

van nuai khawvel thilsiam zosiate kiang ah kigen, la la het tâk uh thutiam kinepna chu, thasuak lo ah la tukdet zing theina ding un, a hung kipia ahi. Keima, Paul hi, zia chanchinpha nasem ding ah chu pang ka hi tai.

THUPUAN 14:6

Chun, lei ah um nam tin, chitin, pautin leh mitinte kiang ah gen ding, kumtuang chanchinpha nei vansawlchâk pakhat vanlai jawl ah lêng ka mu’n.

KOLOSSA 1:6

Zia chanchinpha chu khawvel zosia ah ga ah a pun pek gual in, la kiang un a hung tung ah, Pathian hepina chu thutak ah la ngaithâk ua, la het niu ah kipat in nangmau ah le ga in a pung zing hi.

ROMTE 10:18

Ahi’n la, a bil un a hepuau ah a hem? He e: “A thawm uh lei chung zosia’n a kithang in, a thuu chu kawl kîmvêl tiang in a thang suak tai,” ti ahi.

MARKA 16:15

Tichun, a kiang un, “Khawvel zosia’n chiau inla, thilsiam zosia kiang in chanchinpha vagen un.

ROMTE 15:19

Pathian Thagau thilhitheina leh, thilmakte leh tepte’na lopi takte chu mang in, Jerusalem ah kipat in Ilirikam leh a tuamvêl ah chun Khrista chanchinpha chu ka gen suak tai.

ROMTE 1:8

Khawvel zosia la ginnau chanchin gen ah a um tâk ziakin, Jesu Khrista jal ah chun ka Pathian kiang in kipak thu ka gen masa ahi.

MATTHAI 12:41

Vaihawm ni tak leh, Nineveh khua mite kha hung dingin tiu in, tu’lai khangthakte hi thiamlo hun chansak in au: Amau chun Jonah thu gen ziakin a gitloteu a haisan ui; en tiam un, Jonah sâng ah lopi zaw zia hin a um hi.