MARKA 12:9 - PATHIAN LEKHABU THIANGTHO (BSI)

⁹ Ahileh, zia grep huan neipa chun bang a hun law ta diam? Hung intin a lou bawlte chu hung sumangthai intin, a grep huan chu midang kiang in pedok ta’n a.

MARKA 12:9 Referans Kwoze

ROMTE 10:20

Chun, Isai in hangsan tak in, “Ei hawllote mu in ka um a, ei kanlote chu ka kimusak tai,” ti in.

LUKA 19:27

Chuleh, ka mêlmate, a chung ua ka vaihawm ding zadate kha le, zia lam ah hin hun pui un la, ka ma-âng ngei ah hin that un,’ a tia,” ti’n a gen a.

MATTHAI 21:43

Ziaziakchun, ka hil la hiu, Pathian gam chu nangmau ah kipat lâk mang hi’ntin, nam dang a ga sua dingte kiang ah chun piak hizaw ding ahi.

MATTHAI 22:7

Zia thu chu lengpa’n a la het phat in a lungna ma ma ah; a sepaite a sawl ah, zia mithatte chu a vasuchimit tau ah, a khuau le a hâltum piak tau hi.

MATTHAI 12:45

Tichun, a vachia kit ah, ama sâng ah gilo zaw thitha dang sagi a hun pui a, zia tak chun lut in a chêng tau hi; zia mihing umdan nunung zaw chu a masa sâng in a hung sezaw tai. Zia gual ma chun, tu’lai khangthakte chung ah hinle tung ding ahi, a tia.

MALAKI 1:11

Ni suakna lam ah pat a tumna tiang in ka min namtin lak in a thang ta ngal a; muntin ah ka min in gimtui leh thillat thiangtho chu lat ahi ngal a; namtin lak in ka min chu a lopi ngal a, sepai honte Lalpa chun a ti ahi.

JEREMIAH 17:3

La gam pumpiu ah la hausaknau zosia tawh, la go thil nei zosiau chu, la gitlo man un gâl lâk sum ah midangte hun chom nâmsak ding ka hi.

ISAI 65:15

La min uh chu hânsia lawkhum dingin, ka mi têlchuam kiang in nusia in la tiu in, tichun, Lalpa Pathian in hun that intin; maleh, a suakte chu vang min dang khat in ko in ah.

ISAI 29:17

Sawt lo cha nung leh, Lebanon chu lou gam pha tak, a hung hi’na ding leh, lou mun phatna chu gammâng, a hung suakna ding hun chu, hita lo ding a hem?

JOSHUA 23:15

Lalpa la Pathian un, thilpha la chung ua tung ding ah a la tiamsa gual ah, a guitunsak zaw tâk ziak hin, zia gam pha, Lalpa la Pathian un a hun piakna mun ah kipat hin la manthai suak masiau, Lalpa‘n la chung un thil phalo zosia hun tunsak ding ahi.

MATTHAI 21:34

A ga law hun ding ah chun a lousân la dingin a suakte chu a lou bawlte kiang in a sawl a.

MARKA 12:8

Tichun, a la man in, a la that tau a; grep huan ah kipat chun a paidok tau hi.

MARKA 12:10

Zia gual ah Lekha Thiangtho ah kizik hi a la sim kha lo la hiu em? “Insate’n a doi lo uh suang kha, zia suang ma kha, a kil ah suang phachuam pen a hung hi’n;