MARKA 12:6 - PATHIAN LEKHABU THIANGTHO (BSI)

⁶ A chapa khat neisun a doichuam ma ma chu a um nalai a; ama chu a nunung pen in a sawl ah, “Ka chapa hi vang a la ja deu in au,” a tia,

MARKA 12:6 Referans Kwoze

JOHAN 1:34

Zia chu ama chung ngei ah ka mu tâk ziakin, ama hi Pathian Chapa ngei chu ahi ti ka hiatsak ahi,” a tia.

MATTHAI 3:17

Chuleh, van ah kipat aw gi chun, “Zia hi ka Chapa Dawi tak, ka kipakna ma ma chu ahi,” a hun tia.

1 JOHAN 4:9

Pathian hepina chu I lak un zia gual hin tâklat ahi tai: Pathian in a Chapa neisun khawvel in a hun sawl ah, ama ah I hintheina ding un.

HEBRAITE 1:6

Chuleh, Pathian in zia a chapa masa pen chu khawvel ah a hun sawl lai in, “Pathian vansawlchâkte’n ama chu be tau hen,” a ti kit a.

JOHAN 5:23

Ziaziakchun, mi zosia’n Pa a ja gual un, Chapa le a ja diu ahi. Kuale, Chapa jalote chu, Pa, ama hun sawlpa jalo a hiu.

JOHAN 3:35

Pa chun Chapa chu a hepi hen, a khut in bangkim a pia tai.

JOHAN 1:49

Ziaphatchun, Nathanael in a kiang in, “Rabbi, Pathian Chapa, Israelte Lengpa chu la hi!” a tia.

JOHAN 1:18

Kuama’n bangtik lai inle Pathian a mu kha puau hi; himaleh, a Chapa changkhat neisun, Pa lung tawh kituak chun a chanchin a genchian hi.

JOHAN 1:14

Tichun, Thu chu taksa’n a hung chang a, I lak un a hung chêng ah, Pathian Chapa changkhat neisun lopina chu ahi’na gual tak in, hepina leh thutak ah dim in I la muu ahi.

LUKA 9:35

Chuleh, sûm lak ah kipat chun aw a hung pawt a, “Zia hi ka Chapa dawi tak chu ahi, ama thu ngai un!” a hun tia.

LUKA 3:22

Thagau Thiangtho chu vakhu gual in a chung in a hung chû. Van ah kipat aw hung pawt chun, “Nangma, ka Chapa dawi tak la hi, la chung ah ka kipak ma ma hi,” a hun tia.

MARKA 9:7

Ziaphatchun, amau haw lia in sûm a hung jing a, sûm lak ah aw gi chun: “Zia hi ka Chapa dawi tak ahi, ama thu ngai un,” a tia.

MARKA 1:11

Van ah kipat chun aw a hung pawt a, “Nangma hi ka Chapa dawi tak, ka kipakna ma ma chu la hi,” a hun tia.

MATTHAI 26:63

Himaleh, Jesu chu thipbek in a um a. Chun, thiampu lianpen chun, Pathian hing min in kigenchian dingin ka hun sawl la hi, Messiah, Pathian hing Chapa chu la hi em? ei hil in, a tia.

MATTHAI 17:5

Zia thu chu a gen lai tak in, sum vâm tak hin amau chu a hun lia ah, zia sûm ah kipat chun awgi a hung pawt a: Zia hi ka Chapa doitak, a chung ah ka kipakna ma ma chu ahi; ama thu hi ngai un, a hun tia.

MATTHAI 11:27

Tu’hin, ka Pa chun thil bangkim ei kolsak hi. Pa longal in kuama’n Chapa hi a hepuau in: Chapa tilo ngal kuama’n Pa chu a he diak puau hi. Ziaziakchun, chapa’n a taklatnate bep in Pa chu a hiau hi.

MATTHAI 1:23

“Nungak thiangtho chu gâi intin, Chapa hing intin, a min in Immanuel sa’n au” zia chu, “I kiang un Pathian a um hi,” ti’na ahi.

ISAI 42:1

Ngai un, ka suakpa, k eima tundaw, ka têlchuam leh ka lungdamna ma ma chu; a chung in ka thagau ka koi ta’n, namtin chung in vai hun hawm ding ahi.

SAM 2:12

a keng hung chawp tau in; a chutiloleh, lungna’n tin, lam kâl ah mangthai kha’n lau; a lungnatna chu kuangjak pai ziang ahi ngal ah. Ama bêl zosia chu a hamphau hi.

THILSIAM THU 37:3

Israel chun Joseph chu a têk nung cha ahiziak in, a chate lak in a hepi diak ah; puanâk chual jem chuam chuam ah pawl a siam piak a.

THILSIAM THU 22:12

Ama’n, “Naupang chung ah khan la khut tha kin la, ama kha bangma law diak kin; la chapa neisun lei piak ding la îtchâk lo ziakin Pathian la lau hi ti tu’hin ka hechian tai,” a hun tia.

THILSIAM THU 22:2

A kiang in, “La chapa, la chapa neisun Isak, la hepi ngawi ngawi kha pui inla, Moriah gam ah chia inla, zia tak ah tâng pakhat ka hun hilna ding mun ah chun hâlmang thillat in hun pia’n,” a ti’n.

SAM 2:7

Lalpa thupiak chu hun hil ding ka hi; ka kiang in: “Nang vâng ka chapa la hi; tu’ni ka hin la hi.

THILSIAM THU 44:20

kei un, la kiang ah, ‘Pa têk tak leh, a têk lam cha, naupang cha ka nei un, zia pa u chu a thi ta’n, a nu hin lak ah chun ama bepcha ahi tai; a pa chun a hepi ma ma hi,’ ti ka gen un.

MARKA 12:5

Ziazaw chun midang khat a sawl kit a; zia pa vang chu a la that tau a; zia gual ma chun midang dang le, a khen a la vuau a, a khen a la that tau hi.

MARKA 12:7

Himaleh, lou bawlte chun, “Zia hi a go lua ding pa chu ahi; that hitiu, chutileh a go chu chang mai ding I hiu,” a la tiu a.

3 JOHAN 1:1

Upa chun, doitak Gaias, thutak ah ka hepi kiang ah chun: