MARKA 12:17 - PATHIAN LEKHABU THIANGTHO (BSI)

¹⁷ Ziaphatchun, Jesu’n a dawnhu a, “Kaisar thilte chu Kaisar kiang in piau inla, Pathian thilte chu Pathian kiang in piau in,” a tia. Amau chun lamdang a sa ma mau hi.

MARKA 12:17 Referans Kwoze

ROMTE 13:7

Mi zosia kiang in piak ding chu pia mai un; leiman piakna ding ah chun leiman piau inla; Sia piakna ding ah Sia piau inla, kichâk ding chu kichâu inla, ja ding dawl chu ja tau in.

1 PETER 2:17

Mi zosia ja unla, gingtu suapite chu hepi un. Pathian lau unla, Lengpa chu ja tau in.

ROMTE 6:13

Chuleh, la taksa bakteu hile gitlo lam ah dik lona matchâk dingin pia phal kiu inla; thina kipat hing kit gual in, Pathian lam ah dikna matchâk dingin pia phal zaw tau in.

THUPILTE 24:21

Ka cha, Lalpa leh lengpa chu lau inla, a kua zawk thu chule nial kin;

ROMTE 12:1

Chutichun, suapite, Pathian jangaina ziakin, kithoina hing leh thiangtho leh, Pathian pomtâk dingin la taksau chu kilân dingin ka don la hiu, zia chu thagau lam ah la biakna dan ding him uh ahi ngal a.

MATTHAI 22:46

Tichun, kuama’n kam khat inle a dawnhu thei ta puau a, zia ni kipat chun kuama’n dotna dang le a dong ngam ta puau hi.

MATTHAI 22:22

Zia thute chu a het un lamdang a sau ah, a nusiau ah, a chia mang tau hi.

MALAKI 1:6

Aw Thiampu, ka min simmawte haw, cha’n a pa a chawihoi in, suak in a pu a chawihoi hi; kei pa ka hileh chawihoi ah ka umna bang ahi em? Hotu ka hileh ja ah ka umna bang ahi em? ti’n sepaite Lalpa‘n a hun dong la hiu. Nanghaw chun, “Bangti’n la min ka simmawu ah a hem?” la tiu a.

MARKA 12:30

Ziaziakchun, Lalpa la Pathian chu la lunggil zosia’n, la thagau zosia’n, la lungthim zosia leh la hatna zosia’n la hepi ding ahi,’ ti hi.

MATTHAI 22:33

Mipite chun zia chu a het un, a thu zilsak chu lamdang a sa ma mau hi.

THUPILTE 23:26

Ka cha, la lungthim ei pia’n, chuleh, ka lampite hi en zui in.

MATTHAI 8:10

Jesu’n zia thute chu a het in mak a sa ma ma a, ama hun zuite kiang ah chun, “Titakzet in ka hil la hiu, Israelte lak in le zia gual khop ah ginna nasa hi ka mu puai.

MATTHAI 22:21

Amau chun, Kaisar, a tiu a. Ziaphatchun, a kiang un, “Kaisar thilte chu Kaisar kiang in piau inla, Pathian thilte chu Pathian kiang in pia tau in,” a tia.

MARKA 12:16

Tichun, a hun lau ah, ama chun a kiang un, “Zia hi kua luchang lim leh kua min a hem?” a tia. Amau chun, “Kaisar,” a tiu a.

LUKA 20:25

Ziaphatchun, “Kaisar thil chu Kaisar kiang in piau inla, Pathian thilte chu Pathian kiang in piau in,” a tia.