MARKA 12:10 - PATHIAN LEKHABU THIANGTHO (BSI)

¹⁰ Zia gual ah Lekha Thiangtho ah kizik hi a la sim kha lo la hiu em? “Insate’n a doi lo uh suang kha, zia suang ma kha, a kil ah suang phachuam pen a hung hi’n;

MARKA 12:10 Referans Kwoze

MATTHAI 21:42

Ziaphatchun, Jesu’n a kiang un, Pathian lekha thu ah: Insate’n a doilo uh suang kha, a kil ah suang poimaw pen chu a la hi: Zia hi Lalpa thilbawl chu ahi’n, I mit muu in a mak ahi, ti ah kizik kha sim kha lo la hiu em? a tia.

ISAI 28:16

Ziaziakchun, Lalpa Pathian chun: “Ngai un, Zion ah chun, a suangphûm patna dingin suang pakhat, etchianna suang–suangphûm lûl tak khat chu ka lem in, ‘Ama ging taphot chu zakcha pua’n au!

ROMTE 9:33

“Ngai in, Zion ah kipalna suang leh, dâlna suangpi ka koi in, kuale ama ging tapo chu mualpho pua’n au,” tia kizik gual khan.

MARKA 2:25

Jesu’n a kiang un, “David leh a lawite a basap ua, a gilkial lai ua a thil hiu kha sim kha lo la hiu em?

MATTHAI 21:16

a kiang in, ziate thugen hi la he em? a hung tiu a. Jesu’n a kiang un, I, ka hia’i, Naupangte leh nausen nawi chep nalaite kam ah pawt chun, pâkna a bukimsak hi, ti ah kizik kha la sim kha puau ah a hem? a tia.

MATTHAI 19:4

Ama chun a kiang un, a lim a kipat amau siampa chun numei leh pawsal in a siam a;

LUKA 6:3

Jesu’n a kiang un, “David leh a lawite a gilkial basap lai ua a thilbawlteu kha sim kha lo la hiu em?

MARKA 13:14

Hi’buaksekpa chu a din lona ding ah ding la mu tak ua leh, (a sim kha zosia’n a umzia hechiat mai uh hen!) Judea gam ah umte chu tânggam ah jam mang mai uh hen la;

MATTHAI 22:31

Ahileh, mithi thawkitna lam thu Pathian in a gensa kha sim kha lo la hiu em?

MATTHAI 12:3

Himaleh, Jesu’n a kiang un, “David leh a lawite a basap lai ua a thilbawl danteu kha la sim kha puau em?

MARKA 12:26

Mithi thawkitna thu Mosi lekhabu chun, chîmbuk ah Pathian in, ‘Kei Abraham Pathian, Isak Pathian, Jakob Pathian ka hi,’ tia a gente kha sim kha’lo la hiu em?

MARKA 12:9

Ahileh, zia grep huan neipa chun bang a hun law ta diam? Hung intin a lou bawlte chu hung sumangthai intin, a grep huan chu midang kiang in pedok ta’n a.