MARKA 11:25 - PATHIAN LEKHABU THIANGTHO (BSI)

²⁵ Chuleh, pauchap ding ah la din tak ua leh, mi ngaidam ding la nei ua leh ngaidam phot un; zia tak chuleh la Pau van ah um chun nang uh hi’khialna le ngaidam ding ahi.

MARKA 11:25 Referans Kwoze

KOLOSSA 3:13

kidaw zo tua chiat in, kua’nle mi chung ah thubuai nei taleu chin, kingaidam tua unla; Lalpa‘n a ngaidam gual in kingaidam tau in.

EPHESA 4:32

Chuleh, kihepi tua ah, kilainatna nei in um unla, Pathian in Khrista ah a hun ngaidam gual in kingaidam tua tau in.

LUKA 6:37

Mi gensia kiu in, tichun, gensiat in um pua’n lau; mi thiamlo chansak kiu in; tichun, thiamlo chang pua’n lau; ngaidam un, tichun ngaidam in um in lau.

MATTHAI 6:12

Ka chung ua thil hi’khialte ka ngaidam sek gual un, nang inle ka thil hi’khialteu ei ngaidam in.

MATTHAI 5:23

Mâichâm ah la thilpiak la koi lai ngei ah, la unau in la chung ah lung hi’lona a nei la hetdaw ahileh,

JAKOB 2:13

Jangaina neilo chu jangaina bei ma’n vaihawm piak hi’n ah; jangaina chun vaihawmna a zo sek hi.

MATTHAI 6:5

La pauchap phat leh, miphalêmte gual ah la hi’ding ahi puai; amau chun mi mutheina ding sunagog leh, khawlai lamka bul ah te’n a pauchap nuam diak sek ui. Titakzet in ka hil la hiu, a kipakman uh chu a mu zo tau hi.

LUKA 18:11

Pharisai pa chu a hung ding ah, ama chang in zia gual hin a hung pauchap a: ‘Pathian, keima hi mi dang gual ah negu, diktat lo leh ângkawm ka hilo ziakin leh, zia sedawlpa gual hile ka hilo ziakin la chung in ka kipak hi.

ZEKARIAH 3:1

Chuleh, thiampu lianpen Joshua, Lalpa vansawlchâk âng ah ding leh, ama dodâl ding Setan chule a changlam ah ding chu ei etsak a.

THUPUAN 11:4

Ziate pani chu Oliv thing pani leh thaumei tunna pani, lei Lalpa ma ah dingte chu a hiu a.

LUKA 18:13

Sedawlpa chu vang gamla tak in a ding ah, van lam le dak ngam lo ah a awm chûm kawm kawm in, ‘Pathian, kei migilo ka hi, ka chung ah jangai in’ a tia.