MARKA 10:32 - PATHIAN LEKHABU THIANGTHO (BSI)

³² Jerusalem lam zuan ah Jesu chu, a malam ua chia ah a zui zing lai un, maksakna dim in a hung lau tau a. Sawm leh nite chu a pui chuam kit ah, a chung ah thil hung tung dingte chu a hil pan kit a;

MARKA 10:32 Referans Kwoze

LUKA 9:51

Lâk to ah a umna ding hun a nai phatin, Jerusalem lam bep ngaitua in, zia lam chu a nga zing ta’n.

JOHAN 11:16

Tichun, Thoma, Diduma a tiu chun, nungzui dangte kiang ah chun, “Ei hawle chia hitiu in, ama tawh vathikhawm hitiu,” a tia.

JOHAN 11:8

A nungzuite chun, a kiang in, “Hotupa, tu’ma deu khan Judate’n suang ah hun se a guau ah, tu’hin chia kit ding la ti a hem?” a tiu a.

LUKA 10:23

A nungzuite lam in a kihei ah, a chuam in a kiang un: “La thil muteu hi a muna mitte chu a hampha na e!

MARKA 4:34

Tekhinthu lo in a kiang un thu a gen ngai puai; amau ngawn ahi tak ua leh, vang a nungzuite kiang in a hilchian sek hi.

MATTHAI 13:11

Ama’n a kiang un, van-gam thugûk hettheina chu nang uh kiang ah piak ahi’n, amau kiang ah vang piak a hinai puai.

ZEKARIAH 3:8

Tu’hin, thiampu lianpen Joshua tawh la kithuapi la âng ah chu zingte chun, pha tak in ngai tau in! Amau chu thil hung tung ziang dingte hetlawkna ahi ngal a. Ka suak a Bâk chu hun puidawk ngal ding ka hi tai.

MATTHAI 11:25

Ziazaw chun, Jesu’n a pa kiang in, “Aw he Pa, lei leh van Lalpa, mi pilte leh mi thiamte kiang in la thu hi la îm ah, mi mawlte kiang ah la gen zawk ziakin ka kipak hi.

MARKA 1:27

A leng un lamdang a sa chiat tau a, “Zia hi bangtidan a hem? Zilsakna zat chuam tak ahi hi! Thitha buakte nasan thunei tak in thu a pia’n, a thu a mat ziang uh hi!” ti’n a kihotua sau sau tau a.

LUKA 19:28

Jesu’n zia thute chu a gen zaw phatin, ama chu a masa’n a hung pang a, Jerusalem lam zuan in a chia to tau a.