MARKA 10:30 - PATHIAN LEKHABU THIANGTHO (BSI)

³⁰ tu’ damsung ma ma hinle, Inte, suapipate, suapinute, nute, pate, gamte, sukgentheina tawh ale’ za khat ah mulo ding a um puau, a hung tung ding kumtuang hinna tawh.

MARKA 10:30 Referans Kwoze

PHILIPPI 3:8

Ahi takzet hi, ka Lalpa Khrista Jesu hetna lopi diak ziak ah chun, zia thilte zosia chu ki’dak buaksia gual in chânna in ka guat ta, Khrista ka mutheina dingin.

LUKA 18:30

tu’hun ma ma leh a hung tung ding kumtuang hinnale, ale’ tam tak mulo ding kuama a um puau hi,” a tia.

2 KORINTH 6:10

lungngai gual in, himaleh kipak zingin; genthei gual in, himaleh mi tam tak hihausa ngal in; bangma neilo gual in, himaleh bangkim nei bukim ngal in ka um zawu hi.

JAKOB 1:12

Thepna thuak ham ham mi chu mi hampha ahi. Zia gual mi chun patepna chu a thuakzo ta’n, Lalpa‘n ama hepite â ding ah a tiam, hinna lallukhuk chu chang ding ahi.

MALAKI 3:10

Ka In ah nêk ding a umtheina dingin sawm ah khat dik tak in bu In ah hun koikhawm un; tichun, ka van tukvante hong in, a koina’n a dawl lo ding khop maljawlna’n ka hun vuk paw na ve em, ti ei patep ma tiam un, sepai honte Lalpa chun a ti ahi.

JAKOB 5:11

Ahi, a thuak-hatte chu hampha I ti sek ui. Job thok-hat dan kha la hiau ah, Lalpa thil guanggal dan kha le la muu hi; Lalpa chu hepina leh jangaina dim ahi dan le la he tau hi.

THUPILTE 16:16

Pilna nei hi sana nei sâng in a phazaw na lawm lawm e! Hetthiamna nei chu dangka sâng ah le têl zawk ding ahi.

THUPUAN 3:18

la hung hausak theina dingin, sana mei ah hâl thian leh, la ngawnchang hina a kilat lona ding, puan vâm tawh ka kiang ah hung chaw ding leh, la mutheina ding ah la mit nu’ ding damdawile hung kichawk dingin, ka hun thumop la hi.

1 TIMOTHI 6:6

Lungawina tawh kithua ah Pathian ngaisakna hi lawkna thupi tak chu vang ahi him hi;

NASEPTE 5:41

Vaihawm pawlte lak ah kipat a pawt daw phat un, zia min ziak ah mualphona thuak tâk ah ngai a hiziak ua chun, a kipak ma mau a.

2 KHANGTHU 25:9

Amaziah in Pathian mi kiangah chun, “Aleh, Israel sepaite goina ding ah dangka talent za khat ka la piaksa chu bang law ding I hitau em leh?” ti’n a dong a. Pathian mi chun, “Lalpa‘n zia sâng ah tam zaw ma ma chu hun pia thei ahi,” ti’n a dawnhu a.

1 JOHAN 3:1

Ngai tiam un, Pa’n ei hepina ziak ah Pathian chate ei sak tâk hi a nasa na lawm lawm e! Zia gual ding chu I hi him uh ahi. Ama chu khawvel in a het lo ziakin, ei haw le ei he lo a hiu.

2 THESSALONITE 2:16

Tichun, I Lalpa Jesu Khrista ngei leh, Pathian I Pau, ei hepipa leh hepina ziak ah kumtuang ah thamuanna leh kinepna ei pepa chun,

ROMTE 6:23

Gitlo man chu thina ahi’n, Pathian thilthawnpiak ahileh vang, Jesu Khrista, I Lalpau jal ah kumtuang ah hinna ahi.

ROMTE 5:3

Zia bep chule hilo in, gimthokna’n le kipak in um hitiu; gimthokna chun thok-hatna a siam hi ti I het ziak un.

NASEPTE 16:25

Jan khang lai tak in Paul leh Sila chu a pauchap ua, Pathian pâk in La a sau a; suangkul ngâkte zosia’n a ngaitha zing ua.

JOHAN 10:23

Jesu chu tempul ah Solomon hulliap in a vâk tawl tawl a.

MATTHAI 12:32

Kuale, Mihing Chapa gensia chu ngaidam thei hi’ntin; Thagau Thiangtho gensia chu vang ngaidam thei hi pua’n au; zia khawvel leh khawvel hung tung kit dinginle.

MATTHAI 6:33

Himaleh, a gam leh a dikna chu hawl masa tau in; tichun, zia thil zosia chule piak belap in um in lau.

THUPUAN 2:9

La thil hi dante, la genthei dante leh la vaichâk dante (ahi’n la, la hausa nai) ka hun hia’i; Juda mi hilo ah ka hi hung kitite, Setan kikhopna In hizaw te hun gensiatna chule ka hia’i.

SAM 84:11

Lalpa Pathian chu nisa leh phaw ahi’n, ama’n doisakna leh jana a pia ngal a. Dik tak ah umte kiang ah chun, Lalpa‘n thilpha him him a ît ngai puai.

1 JOHAN 2:25

Ama’n ei tiam piak chu kumtuang hinna hi ahi.

MATTHAI 13:8

Chun, khenkhatte chu leiphatna mun in a kia’, a hung ga ah; a khen khat chu ale’ za khat in, a khenkhat chu ale’ sawmguk in, a khen khat chu ale’ sawmthum in ga a hun sua tai.

NASEPTE 14:22

“Sukgentheina tam tak thuak in, Pathian gam I lut ding him uh ahi,” ti’n nungzuite lungthim chu a hi’det un, ginna umzing dingin a tîlkho malam pek tau a.

1 TIMOTHI 4:8

Taksa lam ah kisoizoina hin phatchuamna a nei tho hi; himaleh, Pathian ngaisakna chu bang lam lam inle a phachuam hi; tu’ ah hinna leh hinna hung tung ding tiang ah thutep nei ahi.