MARKA 10:24 - PATHIAN LEKHABU THIANGTHO (BSI)

²⁴ Zia thu chu a nungzuite’n lamdang a sau a, ahi’n, Jesu’n a dawnhu kit a, “Naute haw, mi a hausakna ki-ngate â dingin Pathian gam ah lut chu a haksa na e!

MARKA 10:24 Referans Kwoze

THUPILTE 11:28

A hausakna muangte chu hung tuai intiu in; midikte chu thingdua hing tak gual in sel thak kit in au.

THUPUAN 3:17

Ka hausa hen, nei leh lam ah ka pung hen, bangma ka tasam puai, la ti’n; himaleh, nang michaga, lungsiat um leh migenthei, mitthûm leh ngawnchang la hîdan la kihiat lo ziakin,

1 TIMOTHI 6:17

Zia khawvel ah mi hausate chu a hiu leh, kiletsak lo ding leh, hausakna muan umlo ah a kinepnau ngalo ah, I limna ding ua bangkim ah ei somdawlpa Pathian chung ah nga zaw dingin hil in.

SAM 52:7

“Entia, Pathian kisêlna mang nuam lo a, ama hausakna muang zaw, ama nei leh lam suang zaw te hi,” ti’n au.

LUKA 16:14

Pharisai sum thangaite chun zia thute chu a het phat un, a nuisan un.

THUPILTE 18:11

Mi hausate nei leh lam chu a khawpi det uh ahi hen; amau lunggêl dan ah chun a kulbâng sâng tak gual ahi.

SAM 62:10

Thagum ah mi lâkpiak hi kimuanpi kin la, misuam hile kisuanpi diak kin; hausakna a hung pun inle, a chung in la lungthim nga diak kin.

1 JOHAN 2:1

Ka chate haw, thil la hi’khial lona ding un zia thilte hi ka hun zik ahi. Ahi’n la, kua’n le thil a hi’khial chun, Pa kiang ah ei gen piak ding Jesu Khrista midik chu I nei ui.

JOHAN 13:33

Naute haw, la kiang un chomkhat bep um ding ka hi tai. Nang un ei hawl in lau; chuleh, Judate kiang ah, ‘Ka chiana ding ah hung thei pua’n lau,’ ti ah ka gen gual khan, tu’hin nang uh kiang inle ka gen a hi.

ZEPHANIAH 1:18

Lalpa lungnatna ni ah chun a dangkau leh, a sanau in amau chu hukdok thei pua’n tin; a lungnatna mei chun gam pumpi hi kâng tum ta’n a. Lei chung lua zosiate tawpna ni, huaisia tak chu tunsak ding ahi ngal a.

HABAKKUK 2:9

“Thil phalo in a sukkhak lo ding ah bû sâng tak ah sia ah, a In sung â ding ah lawkna diklo, lakhawmte chung chu a gik hi!”

JEREMIAH 9:23

Lalpa‘n zia gual hin a gen hi: Mipil chun a pilna suang ki’hen la, mi hat inle a hatna suang diak ki’hen la, mi hausa’n le a hauna chu kisuanpi diak ki’hen;

THUPILTE 23:5

Hausaknate chu vak mu vuat le chinle a bei kawm ngal a, tha a hun nei un, muvânlâi van lam ah leng mang ziang tawhbang chu ahi ngal a.

SAM 17:14

aw Lalpa, la khut in mihingte lak ah kipat ei hukhing in, amau dam sung chanvo chu, zia khawvel ah bep hin a um ngal a. Amau â ding ah la kholpiakte zosia’n, a gilpiu hidim inla, a chateu in a mamaw sâng ua tam zaw nei uh hen la; a chasenteu â ding tiang in, bang a hem khat bêk thi’san uh hen.

1 JOHAN 5:21

Naute haw, milimte ah kipat kikoi kiang un.

1 JOHAN 4:4

Naute haw, Pathian ah kipat la hiu a, ziate chu la zo tau hi; nangmau ah um chu khawvel ah um sâng ah chun a hatzaw ngal a.

GALATIA 4:19

Chate haw, Khrista chu nangmau ah siam pitin ah a um masia, nauvei in ka hun vei la hiu.

JOHAN 21:5

Ama chun a kiang un, “Naute haw, nêk ding sanga la nei awm?” a tia. Amau chun, “Ka nei puau hi,” ti’n a dawnhuu a.

JOHAN 6:60

A nungzui tam takte chun zia thu chu a het phat un, “Zia hi thu haksa tak ahi; kua’n pom thei ding a hem?” a tiu a.

MATTHAI 19:25

Zia chu a nungzuite’n a het phat un a lungkham tau a, aleh, kua hukdam in um zo ding a hem? a tiu a.

MARKA 1:27

A leng un lamdang a sa chiat tau a, “Zia hi bangtidan a hem? Zilsakna zat chuam tak ahi hi! Thitha buakte nasan thunei tak in thu a pia’n, a thu a mat ziang uh hi!” ti’n a kihotua sau sau tau a.

MARKA 10:23

Jesu’n a en vêl ah, a nungzuite kiang ah chun, “Mihausate â ding chun Pathian gam ah lut a haksa na ding e!” a tia.