MARKA 10:14 - PATHIAN LEKHABU THIANGTHO (BSI)

¹⁴ Ahi’n, Jesu’n zia chu a mu in a lungdam paw ma ma ah; a nungzuite kiang in, “Naupangte kha ka kiang ah hungsak un la, zada kiu in; Pathian gam chu zia gual mite â ding chu ahi ngal a.

MARKA 10:14 Referans Kwoze

MATTHAI 19:14

Himaleh, Jesu’n a het phat in, “Naupangte kha ka kiang in hung sak unla, a la zada kiu in; van-gam chu zia tawhbang mite â ding chu a hingal in,” a tia.

MATTHAI 18:10

Ziaziakchun, zia naupang neuchate lak ah pakhat ziang le musit lo dingin chingthei ta un; ka hun hil la hiu, a vansawlchâkteu in van ah um ka pa mel a mu zing uh ahi.

MATTHAI 18:4

Kuale zia naupang gual ah kingainiam tapo chu, zia mi chu van-gam ah a lopi pen hung hiding ahi.

1 PETER 2:2

Hukdamna la khanlet theina ding un, nausen piang limte gual in, thagau lam nawitui thiang chu ducha zing un;

2 TIMOTHI 3:15

chuleh, Khrista Jesu ginna ziak ah hukdamna lam ah hun hil pilthei, Lekha Thiangtho kha la naupan lai ah kipat la het ahi tai, ti hezing in.

THUPUAN 14:5

A kam ua pat chun juau a pawt pua’n, demna bei a hiu.

2 TIMOTHI 1:5

Ginna tak tak nangma ah um chu ka hezing hi; zia ginna chu a lim in la pi Loisi leh, la nu Euniki ah a um in, tu’hin nangma ah le a um hi ti ka hechian tai.

EPHESA 4:26

Lungnau inla, ahi’n, gilo kiu in; la lungnatnau chu nisa’n tumpi ki’hen.

1 KORINTH 14:20

Suapite haw, ngaituana lam in chapang kiu in; phatlona lam in nausen hiu inla, ngaituana lam in piting hiu in.

1 KORINTH 7:14

Pawsal ginglo mi chu a ji vang in hi’thiantho in a um in, ginglo mi a ji chu a pawsal ziakin hi’thiantho in a um hi. Chutilochun, la chateu chu buak in au; ahi’n la, a thiangtho zing nau hi.

ROMTE 11:28

Chanchinpha lam thu ah chun, nangmau ziakin amau chu Pathian mêlma a hung hiphot un; himaleh têl hi’na lam thu ah chun, a pu le pateu jal in vang a doitakte a hiu hi.

ROMTE 11:16

Chuleh, gamasa gual ah changbuang kilân chu a thiantho leh, a leng ah thiangtho ahi’n; a zung chu a thiantho leh a bâkte le a thiangtho ui.

NASEPTE 3:25

Nanghaw hi, zia jawlneite leh Pathian in la suanpateu kiang ah thuthung a la piak suante chu la hiu hi; ama chun Abraham kiang in, La suante ah chun lei ah namtinte maljawl ah um ding a hiu, a la ti’n.

NASEPTE 2:39

A thutep chu nanghaw â ding, la chateu â ding, gamla tak ah um zosia a ding tawh, I Lalpau Pathian in a kiang ah a ko tapote â ding ahi ngal a,” a ti’n.

MARKA 8:33

Himaleh, ama chu a kihei ah, a nungzuite chu a en ah, Peter chu a vau ah, “Setan, ka nung ah chia in, Pathian thilte ngaitua lo in, mihing thilte la ngaitua zaw ahi,” ti in.

MARKA 3:5

Ziaphat chun lungna tak kawm in amau chu a en vêl ah, a lung tâk ziak un a lungna ma ma a; zia pa kiang ah chun, “La khut hun zâk in,” a tia; ama chunle a hun zâkdok phut ah, a khut chu a dam ngal tai.

ISAI 65:23

A thawn in sêmgim pua’n tiu in, a chateu chule buaipi ding bep in piang pua’n au; amau leh a chateu chu Lalpa maljawlna chate, hita ding ahi ngal un.

SAM 78:4

Ziate chu a chateu lak in îm puai tiu in; khang hung um kit dingte kiang ah chun, Lalpa thilbawl lopi leh a hatna, a thilbawl mak takte chu gensawn zel hitiu.

DAN LEKHABU 4:37

La pu leh pateu a la hepi ziakin, a suan leh pâkteu chu a hun têl ta’n. Ama’n hun umpi zing in, a khut thahât tak ziakin Aigupta gam ah kipat hun puidok in,

KISIMNA LEKHABU 14:31

Ahi’n, la chasenteu, gâl anchâk ding bep a hiu la tiu haw kha, keima’n pui tung ding ka hi, nang un bangma lo ah la gêl uh gam chu amau chang ta’n au.

THILSIAM THU 17:7

Kei leh nang leh la suante suan sawn sawnte tiang inle ka thuthung, nang â ding leh la nung ah la suante â dingin a Pathian uh hiding in kumkhua thuthung dingin hi’det ding ka hi.

1 SAMUEL 1:22

Himaleh, Hannah in vang a pawsal kiang in, “Kei vang nausen hin a nawichep a hâi ah, Lalpa kiang ah um den dingah a chia thei masang in hung dâ mai ing ka; ziaphat chuleh, a dam sung sia Lalpa â ding ah kikoi thiangtho hi dingah hun pia ding ka hi,” a ti zaw tai.

1 SAMUEL 1:11

Zia gual hin thutiam a bawl ah: “Aw, sepai honte Lalpa, la suak genthei dan hi hun en inla, ei hezing in, la suak hi hemil kin; la suak hi chapa pakhat lei piak ahileh, a thi tiang ah nang â ding ah kikoi thiangtho dingin hun pia kit ding ka hi. Ama chun zu leh khamthei thil him him dawn pua’n tin, a luchang ah samchem him him mat hipua’nah,” ti in.

MATTHAI 5:3

Thagau ah tasam ahi lam kihete chu mi hampha a hiu, van-gam chu amau â ahi ngal a.

MATTHAI 5:10

Dikna ziak ah sukgentheina thuakte chu mi hampha a hiu; van-gam lua ding ahi ngal un.

JOHAN 3:3

Jesu’n a dawnhu a, “Titakzet in ka hil la hi, mi chunglam ah kipat a pianthak lo chun, Pathian gam muthei pua’n a,” a tia.

JOHAN 3:5

Jesu’n a dawnhu a, “Titakzet in ka hil la hi, mi kuale, tui leh Thagau ah a pianlo chun, Pathian gam lutthei pua’n a,

JOSHUA 8:35

Mosi thupiak zosia chu Israel pungkhawm zosiate leh numei leh chapang neucha chate leh, gam dang mi a lak ua chêngdente ma-âng ah chun Joshua’n simdok lo him him a nei puai.