MARKA 10:1 - PATHIAN LEKHABU THIANGTHO (BSI)

¹ Zia mun chu nusia in, Judea gam leh Jordan gâl lam in a chia ta’n; chuleh, mipi tam tak a kiang in a hung khawm un; tichun, ahi dan ngai gual in thu a hil a.

MARKA 10:1 Referans Kwoze

JOHAN 10:40

Ziazaw chun, Jordan gâl lam, Johan in a lim lai ah mi a baptis sekna mun lam khan a chia ah, zia tak chun a um den tai.

MARKA 4:2

Amau chu tekhinthu’n thu tam tak a hil ah, a thuhil chu:

JOHAN 11:7

Zia nung ah chun, a nungzuite kiang in, “Judea gam lam in chia kit tai tiu,” a tia.

MARKA 6:34

Kuang ah kipat a hung pawt daw leh, mipi tam tak chu a hun mu ta’n, a lungsiat ma ma ah, amau haw chu a ching ding umlo belam gual in a mu’n; tichun, thil tam tak a hil tai.

MATTHAI 4:23

Jesu’n sunagog ah a kikhopna Inteu ah chun, gam chanchinpha chu hil in, mite lak ah hivei tincheng leh damlona zosia hi’dam in Galili gam zosia a fang suak tai.

JEREMIAH 32:33

A mai lam uh hilo in, a nung lam uh ei ngat zo tau a; gunchu tak in a la hil ta maleng, ngai nuam lo in, ka hilna a mang puau hi.

JOHAN 18:20

Jesu’n a dawnhu a, “Khawvel kiang ah chun langchang tak in thu ka gen ah, sunagog In leh tempul ah Judate umna’n thu ka zilsak sek hi. A gûk in bangma ka gen ngai puai.

MARKA 6:6

A ginchâk lo dan uh chu mak a sa ma ma a. Tichun, a kiangnai tuam ah khawneute chun a chia ah, thu a hil pek a.

MARKA 2:13

Jesu chu, Dil pang ah chun a pawt kit ah, mipi zosia chu a kiang in a vachiau ah, thu a hil ta’n.

THUGENTU 12:9

Thugentu chu a pil maile hilo in, mite chu hetna le a zilsak in, thupil tam tak a te’dik in, a zil in, a lem tuak hi.

MATTHAI 26:55

Zia hun ah chun Jesu’n mipite kiang in, chemjamte leh khetbûkte chawi in gucha man ding gual in la hung uh ahi maw? Tempul ah nisi’n in thuhil in ka um ah, lei man paw’ngal un.

MARKA 1:21

Kapernaum khua lam in a chiau a; sabbath ni ahi’phatin kikhopna In ah a lut ah, zia tak ah chun thu a gen tai.

MARKA 6:2

Sabbath ni chun sunagog ah thu a hil ah, a thugen hekhate chun lamdang a sau a: “Zia mi hin khoi ah kipat zia tawhbang thu hi a het a hi diam? A khut ah zia gual thilhitheina piak ah a um ziang hi, khoi lam ah kipat pilna mu ahi diam?

MARKA 10:2

Pharisaite khenkhat a kiang in a hung un, ama ze-etna’n, “Pawsal in a ji a nol a thiang diam?” ti’n a hung dong ua.

MARKA 12:35

Jesu’n tempul ah thu a zilsak lai in, “Bangatileh, lekhazikte khan Messiah hi David Chapa ahi, ti sek a hiu em?

MARKA 14:49

Tempul ah thu zilsak ah ka um lai khan la lei man puau a; himaleh, Pathian Lekha thu chu a guitung ding him ahi,” a tia.