MARKA 1:37 - PATHIAN LEKHABU THIANGTHO (BSI)

³⁷ Ama a vamu phât un, “Mi zosia’n a hun hawl ui,” a vatiu a.

MARKA 1:37 Referans Kwoze

JOHAN 12:19

Pharisaite chu a kiho ua, “En un, bangma la law theilo uh hi; en tiam un, khawvel ah mite’n a nung a zui tau hi,” a tiu a.

JOHAN 11:48

Hitia hi I thathawt zing ua leh, ama hi mi zosia’n hun gingcha’n tiu in, zia tak chuleh Rom mite hung intiu in, I mun thiangtho leh I nam uh hi hung susia ding a hiu,” a tiu a.

JOHAN 3:26

Tichun, Johan kiang in a hung ua, “Rabbi, Jordan lui gâl lam ah la kiang ah hungpa, a chanchin la la hiatsak sekpa khan mi a baptis hen, ngaitia, mi zosia a kiang in a chia ziang ui,” a vatiu a.

MARKA 1:5

Tichun, Judea tânggam ah kipat leh Jerusalem khawpi mite chu a hung khawm ua; a gitlonateu puang in, Jordan lui ah chun baptisma a hung chang tau hi.

ZEKARIAH 11:11

Zia ni ma ma ah chun phel kit a hita’n; belam zuakte, ei la entha zingte chun zia thu chu Lalpa kamsuak ahi ti a hiau a.

MARKA 1:36

Simon leh a kiang ah umte chun a hun hawl zui ngal un.

MARKA 1:38

Ama chun a kiang un, “Thu ka gentheina dingin mun dang, khaw nai tuam ah chia hitiu; zia chu ka hungpi pen ahi ngal a,” a tia.