MARKA 1:11 - PATHIAN LEKHABU THIANGTHO (BSI)

¹¹ Van ah kipat chun aw a hung pawt a, “Nangma hi ka Chapa dawi tak, ka kipakna ma ma chu la hi,” a hun tia.

MARKA 1:11 Referans Kwoze

ISAI 42:1

Ngai un, ka suakpa, k eima tundaw, ka têlchuam leh ka lungdamna ma ma chu; a chung in ka thagau ka koi ta’n, namtin chung in vai hun hawm ding ahi.

MARKA 9:7

Ziaphatchun, amau haw lia in sûm a hung jing a, sûm lak ah aw gi chun: “Zia hi ka Chapa dawi tak ahi, ama thu ngai un,” a tia.

MATTHAI 3:17

Chuleh, van ah kipat aw gi chun, “Zia hi ka Chapa Dawi tak, ka kipakna ma ma chu ahi,” a hun tia.

SAM 2:7

Lalpa thupiak chu hun hil ding ka hi; ka kiang in: “Nang vâng ka chapa la hi; tu’ni ka hin la hi.

KOLOSSA 1:13

Ama chun thim thuneina lak ah kipat ei hukdok in, a chapa doichuam gam ah chun ei lângkâi tai;

ROMTE 1:4

chuleh, thianthona thagau ahi’na dungzui leh, thina ah kipat a thawkitna thilhitheina ah chun, Pathian chapa ahi’na chu taklat in a um ta’n.

JOHAN 3:16

Pathian in khawvel a hepi ma ma ziakin, a Chapa changkhat neisun chu a hun pia tai; kuale ama ging taphot chu mangthailo ah, kumtuang hinna a nei ngeina ding un.

JOHAN 5:37

Ziaziakchun, Pa, ei sawlpa, ama ngei chun ka chanchin a hiatsak ahi. Ama chu bangtik lai inle a aw la hekha puau in, a mêlle la mukha puau hi.

JOHAN 1:34

Zia chu ama chung ngei ah ka mu tâk ziakin, ama hi Pathian Chapa ngei chu ahi ti ka hiatsak ahi,” a tia.

LUKA 9:35

Chuleh, sûm lak ah kipat chun aw a hung pawt a, “Zia hi ka Chapa dawi tak chu ahi, ama thu ngai un!” a hun tia.

MATTHAI 17:5

Zia thu chu a gen lai tak in, sum vâm tak hin amau chu a hun lia ah, zia sûm ah kipat chun awgi a hung pawt a: Zia hi ka Chapa doitak, a chung ah ka kipakna ma ma chu ahi; ama thu hi ngai un, a hun tia.

JOHAN 6:69

Nangma hi, Pathian Mithiangtho chu la hi ngei hi ti ka he tau in, ginle ka hun gingcha tau hi,” a tia.

MATTHAI 12:18

“En tiam un, ka nasemtu ka têlchuam, ka lungsiat leh a chung ah ka kipakna ma ma: ama chung ah chun ka Thagau koi ing ka tin, ama chun Jentelte kiang in ka vaihawmna thu chu puang in a.

MARKA 1:10

Tui lak ah kipat a hung pawt daw lai tak ah chun, van hung kihong chu a mu’n; chuleh, Thagau chu vakhu gual in a chung in a hung chu’ suk a.

LUKA 3:22

Thagau Thiangtho chu vakhu gual in a chung in a hung chû. Van ah kipat aw hung pawt chun, “Nangma, ka Chapa dawi tak la hi, la chung ah ka kipak ma ma hi,” a hun tia.