LUKA 9:7 - PATHIAN LEKHABU THIANGTHO (BSI)

⁷ Lengpa Herod in a thil hi’dan zosia chu a la he zui pek a; Johan kha thina kipat hung thokit hi’n a, tia a gen ziak un a lungkham ta’n.

LUKA 9:7 Referans Kwoze

LUKA 9:19

Amau chun a kiang in, “Khen khat in, ‘Baptispa Johan kha ahi’ a tiu in; khenkhat in, ‘Elijah ahi’ a tiu in; midang khenkhat chun, ‘Nidanglai ah jawlneite lak ah pakhat hung thokit ahi’ a tiu hi,” ti’n a dawnhuu a.

LUKA 3:1

Lengpa Tiberias vaihawm, kum sawm leh nga tin kum in, Pontia Pilat chu Judea gam awp in a hung pang ah, Herod chu Galili gam ah vaihawm in a pang ah, a suapipa Philip chu Ituria leh Trakoniti gam ah vaihawm in a pang ah, Lusania chu Abilin gam ah vaihawm in a pang in;

MIKAH 7:4

A lak ua mi pha pen chu hampa lingnei gual ahi’n, a lak ua mi lungthim zang pen chule dâi lingnei a bang bep ui. Amau gawtna ding ni, la gâlvengteu gawtna ding chu, hung tung ding ahi tai; tu’hin a lungdon niu chu a nai tai.

ISAI 22:5

Sepai honte Lalpa Pathian in kilâkna phâijawl ah chun: Lungkhamna, palchek ah umna, bâng hichipna leh kap veng vung ah, mual leh tângte kiang ah panpi don ah, kiko’na ni chu a guat ta’ngâl a.

SAM 73:19

Bangtidan a hem mitphet kâl sung bep ah, huaisia tak ah hi’châkvai ah a um ziang tâk uh hi!

LUKA 21:25

Chuleh, nisa leh thapi leh aksite ah khin tepte’nate hung um intin, tuipite leh tuifawn kinawk ziakin lei chung ah nam tinte lak in buaina leh lungdonna tung in a.

MATTHAI 11:2

Chuleh, Johan in suangkul ah kipat in, Khrista nasepna chanchin thuthang chu a la hia’n, tichun, ama zilsakte pani a hun sawl a;

MARKA 8:28

Amau chun, “Khenkhat in, ‘Baptispa Johan ahi,’ a hun tiu in, khenkhat in, ‘Elijah ahi,’ a hun tiu in, midang khenkhatte chun, ‘Jawlneite lak ah pakhat ahi,’ a hun tiu hi,” a tiu a.

LUKA 13:31

Zia hun ma ma’ chun, Pharisaite lawi khat a hung un a kiang in, “Zia kipat hin pawtdok mai in, Herod in hun tha a guai,” a hung tiu a.

LUKA 23:7

Herod vaihawmna nuai ah mi ahi ti a hun hetchian phatin, Herod le zia hun ah chu Jerusalem ah a um lai tak ahi ziakin, ama kiang lam in a sawl zaw tai.