LUKA 9:5 - PATHIAN LEKHABU THIANGTHO (BSI)

⁵ Chuleh, kua’nle a hun lawp lo ua leh, zia khua chu la nutsia ding tak ua leh, amau hiatsakna dingin la keng ua leivui chu thingtha malam sek un,” a tia.

LUKA 9:5 Referans Kwoze

NASEPTE 18:6

Amau hawn dodâl ah, a gensiat phat un, Paul in a puan ah kipat leivui thingtha’n, a kiang un, “La thisan uh chu la chung un um hen! Kei ka hileh ka thiang hi. Tu’ ah kipat hin Jentelte kiang in chia ta’ng ka,” a tia.

NASEPTE 13:51

Tichun, a keng ua leivui chu a thinthâk khum malam un, Ikoniam lam in a chia tau a.

MARKA 6:11

Kuale nangmau hun lawp lo ah, la thugenteu le ngai nuamlote chu, amau in a maw kipuak ding ahi dan uh hiatsakna dingin, la keng ua leivui thinthâk khum malam sek un,” a tia.

LUKA 10:16

Kuale nang uh thu ngai tapo chu keima thu ngai hi’n tiu in; nang uh hun musit chu keima ei musit hi’n au; kuale keima ei musit chu ei sawlpa musit ahi, a tia.

LUKA 9:48

“Kuale zia naupang hi ka min ah lop tapo chu keima ei lop ahi; keima ei lop chu ei sawlpa lop ahi; la lak ua a neupen chu a lopipen hung hiding ahi,” a tia.

NEHEMIAH 5:13

Ka kawng ah ka puan lom chên chu tham in ka thing a, “Zia thutiamna dungzui ah bawl lo taphot chu, Pathian in a In leh a nei thil zosia zia gual hin thinthâk piak hen la, a hawm ah siam hiu hen,” ka ti tai. Mipi kikhawm zosia chunle, “Amen,” ti chiat in, Lalpa chu a pakcha tau ah. Tichun, mipite chunle a thutiam gual chiat un a bawl tau hi.

MARKA 9:37

“Kuale ka min ziak ah zia gual naupang pakhatle lop tapo chu keima ei lop hi’n au; kuale keima ei lop chu keima ei lop hilo in, ei sawlpa lop a hizawi,” a tia.

LUKA 5:14

Chuleh, ama chun kuama kiang ah gen lo dingin thu a pia. A kiang in, “Chia inla, thiampu vaki-etsak inla, amau hiatsakna leh, Mosi thupiak dungzui ah la thianna ding ah thillat ding chu valân in,” a tia.

MATTHAI 10:18

ahi, keima ziakin vaihawmte leh lengte ma-âng ah, amau leh Jentelte kiang ah hiatsakna dingin hun pui in au.

LUKA 9:4

kua In hilehle la tunna tapo ua chun tung zing unla, zia kipat chun kipan kit sek un.