LUKA 9:44 - PATHIAN LEKHABU THIANGTHO (BSI)

⁴⁴ “Zia ka thugen hi la nakhang un lut ta hen: Mihing Chapa hi mite khut ah matsak in um ding ahi,” a tia.

LUKA 9:44 Referans Kwoze

NASEPTE 2:23

zia pa ngei, Pathian in a gêl zawsa leh a hetlawkna dungzui ah la khut ua piakdaw ah um chu nanghaw’n dan pawlam ah umte khut in kros ah khenden in, la that tau a.

LUKA 9:22

“Mihing Chapa hin haksatna tam tak thuak intin, upate leh thiampu lalte leh lekhazikte doi lo in um intin, that intiu in; himaleh, a nithum ni leh thokit ding ahi,” a tia.

HEBRAITE 2:1

Ziaziakchun, nakhang ah I thu hiatteu kha I ngaikhawk zaw diak ding uh ahi; chutilochun, kitawlmang san kha tawl hitiu.

LUKA 2:19

ahi’n, Mari chun zia thute chu pha tak in a lungthim ah tepte in a ngaitua hi.

JOHAN 19:11

Jesu’n a dawnhu, “Chunglam ah kipat piak la hilo leh ka chung thu hin bangma thu nei thei pua’n la; ziaziakchun, la khut ah ei pedokpa chun gitlona a nei lian zawi,” a tia.

JOHAN 16:4

Himaleh, zia thute hi ka gen masak la hiu, a hun a hung tun tak leh ka thugente hi la hun hetdaw theina ding un. A lim lai khan la kiang ua ka um zing ziakin, zia thute hi a ka hun hil lo ahi.

LUKA 24:44

Chuleh, a kiang un, “La lak ua ka um lai ah thu ka gen sekte kha zia thute hi ahi, Mosi dan leh Jawlneite leh Pâkna La te ah ka chungchâng thu a la kizik gual ah, bangkim hung guitung ding ahi, ka ti te kha,” a tia.

LUKA 18:31

Sawm leh nite chu a pui chuam ah, a kiang un, “Ngai tiam un, Jerusalem lam ah chia to ding I hiu a, jawlneite’n Mihing Chapa chung thu a la genlawk zosiau kha hung guitung ding ahi.

LUKA 2:51

Ziaphatchun, amau chu a zui ah, Nazareth khua a hung tung kit tau ah; a thuu mang tak in a um a; himaleh, a nu chun a thugen zosia chu a tepte zing hi.

LUKA 1:66

A chanchin a la hekha zosia chun pha tak in a tepteu a, “Zia naupang chu bang gual mi a hung hita bep diam?” a tiu a. Tichun, Lalpa khut chu a chung in a um zing hi.

MARKA 9:31

a nungzuite chu thu a hil ah, a kiang un, “Mihing Chapa hi mite khut ah matsak ah um ding ahi’n, hun that intiu in, a ni thum ni leh hung thokit ding ahi,” a tia.

MARKA 8:31

Ziaphatchun, “Mihing Chapa hin thil tam tak thuak intin, upate leh thiampu lalte leh, lekhazikte doi lo in um intin; himaleh, ni thum zaw leh tho kit ding ahi,” a tia.

MATTHAI 26:2

ni ni zaw leh Chiakân Kût um ding ahi ti la hiau a, zia tak chuleh, Mihing Chapa hi khetden ding ah mat hung hiding ahi tai, a tia.

MATTHAI 16:21

Zia hun ah kipat chun, Jesu’n a nungzuite kiang in Jerusalem ah a chia ding dan, upate, thiampu liante leh, lekhazikte khut ah haksatna tam tak a thok ding dante, tha ah a um ding dante, a ni thum ni’ kaithaw ah a um kit ding dante chu a hilpan tai.

2 SAMUEL 24:14

Ziaphatchun, David in Gad kiang in, “Ka lung a buai ma ma tai; Lalpa khut in pûk lut zaw mai ing ka; ama chu hepina hau ahi ngâl ah; mihing khut in vang ka pûk lut nuam puai,” ti’n a dawnhu tai.

JOHAN 16:31

Jesu’n a hun dawnhu a, “Tu’hin la gingcha tau maw?