LUKA 8:8 - PATHIAN LEKHABU THIANGTHO (BSI)

⁸ A dang khenkhatte chu lei phatna’n a kiau ah, a hung kek un, ga a hun suau ah, ale’ zakhatte’n a hung pung tai,” a tia. Zia sia chu a gen zaw phatin a hung kiko ah, “Kuale hetna ding nakhang nei chun he tau hen!” a tia.

LUKA 8:8 Referans Kwoze

MATTHAI 11:15

Kuale hetna ding ah nakhang nei chun he tau hen.

THUPUAN 2:11

Thagau in kochuamte kiang ah thu a gen hi, nakhang nei taphot chun he tau hen. Kuale a zo tapo chu thinina chun bangma law ta pua’n ah, atii, ti in.

THUPUAN 2:7

Thagau in kochuamte kiang ah thu a gen hi, nakhang nei taphot chun he tau hen. A zo tapo chu Pathian paradis ah a nêk dingin hinna thingga pia ding ka hi, a tii, ti in.

MARKA 4:20

Chuleh, lei phatna kethate chu ziate hi a hiu: Thu chu a het tak ua leh pom ngal in, a ga hun suau ah, ale’ sawmthum, ale’ sawmguk leh ale’ za khat ah hung pungte chu a hiu,” a tia.

MARKA 4:8

A dang khenkhatte chu lei phatna’n a kethau ah, a hung kek un, ga a hun suau ah, ale’ sawmthumte, ale’ sawmgukte leh ale’ zakhatte’n a hung ga tai,” a tia.

MATTHAI 13:23

Chuleh, lei phatna kekte chu a hiu leh, thu chu he ah, hethiam ah, mang ngalte hi a hiu; ziate chu ale’ zakhatte, ale’ sawmgukte, ale’ sawmthumte’n a hung ga sek ui, a tia.

THUPILTE 20:12

Hetna nakhang leh mu’na mitte hi Lalpa ‘n a siam gêl ahi.

LUKA 8:15

Lei phatna kethate chu ziate hi a hiu: Lungthim kitup tak leh pha tak in thu a hiau ah, a vop zing un, thuak hat tak in ga a hun sua sek ui, a tia.

JEREMIAH 13:15

Ngai unla, hiau in, chapo kiu in, Lalpa‘n a tii.

THUPILTE 8:1

Pilna chu kiko in, hetthiamna chun a aw a sua pua a hem?

THILSIAM THU 26:12

Isak in zia gam chun thâi a chîng in, zia kum ah chun ale’ zakhat a mu’n: Lalpa’n a maljawl ngal a.

KOLOSSA 1:10

Chuleh, nasep pha zosia ah ga sua ah, Pathian hetna hung khang ah, ama kipakna lam ah Lalpa â ding ah kilawm him ah la hin theina ding un.

EPHESA 2:10

Thilpha hi’ding ah Khrista Jesu ah chun siam ah um in, ama khutsuak I hingal un; zia thilpha hi’ chu I khawsak dan ding ua Pathian in a siamkholsa ahi.

JEREMIAH 25:4

Lalpa‘n a suak jawlnei zosiate kha gunchu tak in hun sawl zing maleh, la limsak nuam puau a, la nakhang uh le la daw nuam puau hi.

MARKA 4:23

Kuale hetna ding ah nakhang nei chun he tau hen,” a tia.

MARKA 7:16

Kuale hetna ding ah nakhang nei chun he tau hen,” a tia.

LUKA 8:7

Chuleh, a khenkhat chu hampa lingnei lak in a ketha; hampa lingneite chu tawh a kek khawm un, a hun dêp mang kit tai.

LUKA 14:35

Leiphatna dinginle panna nei ta pua’n tin, êknin dinginle panna nei ta pua’n ah; tichun, min a paimang ta sek ui. Kuale nakhang nei chun he tau hen, a tia.

THUPUAN 3:6

Thagau in kochuamte kiang ah thu a gen hi, nakhang nei taphot chun he tau hen, a tii, ti in.

THUPUAN 3:13

Thagau in kochuamte kiang ah thu a gen hi, nakhang nei taphot chun he tau hen, a tii, ti’n a gen a.

THUPUAN 13:9

Kuale nakhang nei chun he tau hen: