LUKA 8:5 - PATHIAN LEKHABU THIANGTHO (BSI)

⁵ “Buchi the’ pakhat buchi the’ dingin a kuan ah; a the’ leh, a khen khat lamgei in a ketha, chot lumlet in a um a, chunglêng vachate’n a hung luak nâm tau a.

LUKA 8:5 Referans Kwoze

HEBRAITE 2:1

Ziaziakchun, nakhang ah I thu hiatteu kha I ngaikhawk zaw diak ding uh ahi; chutilochun, kitawlmang san kha tawl hitiu.

MARKA 4:15

Lam pâm ah kethate chu ziate hi a hiu: Thu chu amau ah the’ in a um ah; himaleh, thu chu a het phat uh leh Setan chu kin tak in a hung ah, a lung sung ua thu kithe’ chu a hung lâkmang piak ta sek hi.

THILSIAM THU 15:11

Sasial ne vachate chu saluang chung ah a vachuk phat uh leh Abram in a la naw mang sek a.

MATTHAI 13:37

Ama chun, Chipha the’pa kha Mihing Chapa ahi’n;

MATTHAI 5:13

Lei chi la hiu; himaleh, chi hi dau taleh bang in ahi al kit thei diam? Zia chu paimang ah, mite chotden ding bep lo ngal in panna a nei ta puai.

SAM 119:118

Nang in la thuguat vâk mang san zosia la mu tawm ah; a dawhau phalo tak chu bangmalo mai ahi ngal a.

LUKA 8:4

Khawtin ah kipat mipi tam tak a hung khawm phat un, a kiang un tekhinthu’n thu a hil a:

LUKA 8:6

A khenkhat chu suangteu chung in a ketha, a hung kek sâm a; himaleh, a lei nawm bangma a umlo ziakin a keugawp kit pai tai.