LUKA 7:25 - PATHIAN LEKHABU THIANGTHO (BSI)

²⁵ Aleh, bang en ding him him ah chia la hiu em? Puan nêm silte maw? Ngai tiam un, puan lopi sil leh mi nuamsate chu lal In ah ei vei a um sek uh.

LUKA 7:25 Referans Kwoze

MATTHAI 6:29

himaleh, ka hil la hiu, Solomon hial le a lopina zosia ah a kithuam khan, ziate lak ah pakhat tuk zo hinle jem in a um puai.

MATTHAI 3:4

Zia Johan chun sangawngsau mul puan a sil ah, a kawng chu savun kawnggâk in a gâk ah; a an chu gam bepi leh gam khuaizu ahi.

ISAI 59:17

Diktatna chu awmphaw gual in a âk a, a luchung in hukdamna thîk lukhuk a khuk hi; phuba lâkna chu sil leh chên gual ah, kithuamna’n a mang a, hachang thakna chun a kithuam hi.

ESTHER 8:15

Ziaphatchun, Judate â ding ah vakna leh kipakna, limna leh choihoina a um tâk ziakin, Mordekai chu a leng puan lopi, a dum leh a vam ah kisiam sil ah, sana lallukhuk khuk kawm ah, puan malngat sandup maikhûna kithuam in, Lengpa kiang ah kipat in a pawtdok ah, Susa khawpi sung ah chun limna leh kipakna kiko git chu a dul veng vung ziang tai.

ESTHER 5:1

Ni thum a ti’n ni chun, Esther chu a lengnu sil leh chên ah kithuam in, lal In sungnung ah lengpa pindan mai jawn tak ah chun a vading ah. Lengpa chu lal In sung ah lalchutpha a kichut lai tak ahi’n.

ESTHER 4:2

lengpa kot bul tiang in a chia a; kuama saidip puan sil pum ah lengpa kotkhak sung lut phal ahi paw’ngal a.

ESTHER 1:11

Lengnu Vashti chu mêlpha ma ma ahi ziakin, a lallukhuk pum ah lengpa âng ah hung kilâk ah, mipite leh a milian leh lalte kiang ah a mêlphat dan hung etsak dingin thu a pia tai.

ESTHER 1:3

a lal kum, kum thumna chun, a miliante zosia leh siamângte zosia â dingin, luaithe’na lopi tak a siam ah. Persia leh Media gam sung ah sepaite tawh, miliante leh gambung tin ah uktute zosia chule a kim kei un;

2 LENGTE 1:8

Amau chun a dawnhuu a, “Mi mul hau tak, a kawng ah savun kawnggâk kigâk ahi,” a tiu a. Ama chun, “Tishbi mi Elijah ahi chu,” a tia.

1 LENGTE 10:5

a dawkan ah an haw, a miliante chutna haw, a suakte nasep dan leh a kicheidan teu, a tuanvaite; chuleh, Lalpa In ah hâlmang thillat ah a latte chu a mu in, a chu a hatsam hial ziang tai.

2 SAMUEL 19:35

Tu’hin kum sawmgiat ka hita’n; a nuam leh nuam lo le ka hekhen ta pua hilam. La suak hin a nêk leh dawn haw hile a tuina hekhen thei nalai lei sak a hem? Pawsalte leh numeite La sak haw chule ngai thatnopna nei talo kei ve! Bang ding ah la suak hin, lengpa puakgik ding bep ah ka lalpa hi subuai nalai ding ka hem?

MATTHAI 11:8

Aleh, bang mu nuam pen ah chia la hiu em? Puannem sil maw? Puannemsilte chu leng In in ah um sek ei veu!

LUKA 7:24

Johan nungzuite a chia kit zaw phat un, Johan chung thu chu mipite kiang in a gen pan ta’n. “Aleh, gamthip ah khan bang en ding ah chia la hiu em? Luang hui in a mut lîng maw?

LUKA 7:26

Aleh, bang en mawng mawng ah chia la hiu em? Jawlnei maw? ahi, ka hil la hiu, jawlnei sâng ah le lopi zaw ahi!

LUKA 16:19

Mi hausa kua a hem khat a um ah, puan sandup leh puan malngat in a kithuam sek a, nisi’n nuamsa tak ah ne leh dawn in a um sek hi.