LUKA 6:12 - PATHIAN LEKHABU THIANGTHO (BSI)

¹² Zia hun lai ah chun, tâng chung lam ah pauchap dingin a chia ah; jan khawvak in Pathian kiang in a pauchap a.

LUKA 6:12 Referans Kwoze

HEBRAITE 5:7

Ama chun taksa a um lai khan thina kipat hukdok theipa kiang in, nasa tak ah kiko leh mitthi pum in pauchapna leh ni’na a lân ah, Pathian ki’châk dan a het ziakin ngaithâk in a um hi.

MARKA 6:46

Mipite chu a sawl mang nung in tâng lam ah pauchap dingin a chia tai.

MARKA 1:35

A jing ah jingkal, khawvak thian ma in a tho ah, munthip khat in a chia ah, a vapauchap tai.

KOLOSSA 4:2

Pauchap zing unla, kipak thu gen kawm in ngâk zing un.

MATTHAI 6:6

Nang vang la pauchap ding phat leh, la pindan sunggil ah lut inla, la kot khak inla, la pa kuama mu’lo ah a la um zing kiang ah chun pauchap in: tichun, la pa la thil bawlte a gûk ah a la musekpa chun hun dit in a.

DANIAL 6:10

Lekha kizik chu lengpa’n lem a sakpi’na’n a min a zik tai ti Danial in he maleh, a In ah chia to kit in, a Insawng chung lam ah tukvan Jerusalem lam nga’ hong in, a bawl ngai gual in, ni khat ah thumvei khiangkho ah Pathian kiang ah pauchap in, a min chu a pâk zing sek a.

SAM 22:2

Aw ka Pathian, sûn in ka hun ko ah, maleh, lei dawnhu pua’n; jan inle ka hun ko ah, ahi’n, chawldamna ka mu puai.

1 SAMUEL 15:11

“Leng ding ah Saul ka la guat hi ka kisik hi, ka thupiakte zui lo hial in ei kinungheisan ta’ngâl a,” a tia. Samuel chu lungna tak kawm in jankhua’n Lalpa chu a ko ta ahi.

ISAI 26:9

Jan phat leh ka hinna’n a hun thangai sek in, ka sung ah ka thagau hin gunchu tak in a hun hawl sek hi. Lei chung ah vai la hawm phat leh, khawvel ah chêngte hin felna chu zil ding ahi ngal un.

MATTHAI 5:1

Mipite chu Jesu’n a mu phât in, tâng in a chia to ah, a kichut zaw phat in a nungzuite a kiang in a hung ua,

MARKA 3:13

Ama chu tâng lam in a kãl to ah, a mi têlte chu a kiang lam in a ko chuam a; amau chu a kiang in a hung ua.

LUKA 5:16

Himaleh, ama chu gamthip lam in a chia mang ah, a vapauchap tai.

LUKA 6:11

Himaleh, amau chu a lungna tau a, “Jesu chu bang law ding I hiu em?” ti’n a kihokhawm tau hi.

LUKA 6:17

Ama chu tawh kiton in a chia suk tau a, mun cham a tun un a ding den a; zia tak ah chun a nungzuite tawh mipi tam tak, Judea gam zosia ah kipat, Jerusalem khua kipat leh Tura leh Sidon tuipi pâm ah kipat in,

LUKA 9:18

Khatvei chu, ama ngawn ah a pauchap zaw in, a nungzuite kiang in, “Aleh, keima hi mite’n kua ahi ei tiu em?” ti’n a dong a.

LUKA 9:28

Zia a gen zaw nung ni giat ni’ chun, Peter tawh, Jakob tawh Johan a pui ah, tâng ah pauchap dingin a chiapi a.

LUKA 9:29

A pauchap lai un, a mêl a hung danglam ta’n; a puante chu a hung vâm tai.

JOHAN 6:3

Jesu chu tâng in a chia to ah, zia tak ah chun a nungzuite tawh a kichuu a.