LUKA 4:22 - PATHIAN LEKHABU THIANGTHO (BSI)

²² A leng un ama a pakchau ah, a kamsuak hepina thute chu mak a sau a, “Zia pa hi Joseph chapa hilo a hem?” a tiu a.

LUKA 4:22 Referans Kwoze

JOHAN 6:42

“Ama hi Joseph chapa, Jesu kiti kha hilo a hem, a nu leh pale I hiau hilo a hem? Bangatileh, ‘Van ah kipat hung suk ka hi,’ ti thei a hem?” a tiu a.

SAM 45:2

Mihing chate lak ah mêlpha pen la hi’n, la kam ah chun lungsiatna thu ngen a pawt a; ziaziakchun, Pathian in kumtuang â dingin, mal a hun zawl tai.

THUPILTE 16:21

Lungthim pil chu het dik theina nei mi a kiti’n; lungdam tak ah thu genthei mi chun mi a thunun thei hi.

TITA 2:8

la paukam le dem kâi lo ahi ah, langkhat lam ah pangte chun la chung ah thu phalo him him gen ding mu lo ah a mualphona ding un.

NASEPTE 6:10

Himaleh, pilna leh Thagau ah thu a gen chu a nial dong thei him him puau a.

JOHAN 7:46

Miman hotute chun, “Zia pa gual ah sawn kuama’n thu a gen ngai puau hi,” ti’n a dawnhuu a.

LUKA 21:15

la mêlmateu zosia’n a hun dodâl ua, a hun nial thei lona ding un, la thugen diu leh pilna hun pia ding ka hi.

ISAI 50:4

Paukam khat mai inle mi basam, a chawhal kit theina ding ah ka hiltheina dingin, Lalpa Pathian in lei ei pia tai. Jingkal si’n leh ka nakhang chu, zilsak ah umte gual ah hethiam thei dingin, ei phawnghal zing a.

SOLOMON LÂ 5:16

A tongkam chu a thum pen ah, a ngaikâi suak kêi hi. Zia chu ka lawmpa leh, ka gualpha chu ahi; aw Jerusalem ah chanute haw.

THUPILTE 25:11

Thu ahi tak gen khâk hi, dangka thik bawm ah theiga man tam tak kikoi gual ahi.

THUPILTE 10:32

Midik kam chun gen ding khân a he hen, migilote kam in vang, thu hilo lam ngen a gen sek ui.

SAM 45:4

Gual zo ah ja’um tak in hung inla, la khut changlam in thu tak leh, dikna la thilbawl tizat um takte hun hil ta hen.

LUKA 2:47

A thugen hekhate chun a het dan leh a dot dante chu, lamdang a sa ma mau a.

THUGENTU 10:12

Mipil chun a kamsuak in mi doisakna a chang in; mingol mûk chun ama a ne zo sek hi.

LUKA 2:48

A vamudaw phat un mak a sa ma mau ah; a nu chun a kiang in, “Ka chapa, bang a tia zia gual ah hi ei bawl la hem? La pa tawh thavai tak in ka hun hawl uh ei ve!” a tia.

LUKA 4:21

Chuleh, a kiang un, “Zia Pathian Thu hi tu’ni hin la het un a guitung tai,” ti’n a hun gen pan tai.

JOHAN 1:45

Philip chun Nathanael a hawldok ah, a kiang in, “Mosi Dan Lekhabu leh Jawlneite Lekhabu a la kizik, ‘Joseph chapa, Nazareth Jesu’ kiti kha kei un ka mu tau hi,” a vatia.