LUKA 4:1 - PATHIAN LEKHABU THIANGTHO (BSI)

¹ Jesu chu Thagau Thiangtho ah dim in Jordan lui ah kipat chun a hung kit a, Thagau chun gamthip in a puilût ngal tai.

LUKA 4:1 Referans Kwoze

NASEPTE 10:38

Pathian in Nazareth Jesu sathau a nu’ a, Thagau Thiangtho leh thil hitheina’n a thuam a; tichun, ama chun na pha tak sêm in, diabol in a engbawl zosia chu a hi’dam sik sek a.

LUKA 4:18

“Liangvaite kiang ah chanchinpha gen ding ah ei guat ziakin, Lalpa Thagau chu ka chung in a um hi. Ama chun saltângte kiang ah pawtdawna thu leh, mitthûmte kiang ah mitvakna nei kitna dingte, tawden ah umte thâdok ding leh,

ISAI 61:1

Lalpa‘n sathau ei nu’ tâk ziakin, Lalpa Pathian thagau chu ka chung in a chu ta’n; tawden ah um gentheite kiang ah hukdamna chanchinpha vagen a, lungthimnate sudam ding leh, saltângte zalenna ding phuangdok ding leh, suangkul tângte thâdokna ding thu gen dingin ei sawl ta’n;

JOHAN 3:34

Pathian sawl ahi ziakin Pathian thute chu a gen hi; Pathian in te’ chît chiat in Thagau chu a pia puai.

JOHAN 1:32

Johan ma ma chun a gen a, “Van ah kipat in Thagau chu vakhu gual in a chung ah hung chu suk in ka la mu’n, a chung in a um den tai.

MATTHAI 3:16

Jesu baptisma a chan zaw ah tui lak ah kipat a hung pawt phatin, van a hung kihong a, Pathian Thagau chu vakhu gual in a hung suk ah, a chung ah hung chû a mu tai.

EZEKIEL 3:14

Thagau chun ei domkâng in, ei paw mang ta’n; ka chung ah Lalpa khut a hât bêk ziakin, ka thagau kithunun lo leh nuam lo sasa’n ka chia tai.

LUKA 4:14

Jesu chu Thagau thilhitheina kithuam in, Galili gam ah a chia kit ah, a chanchin chu zia gam kîmvêl ah chun a kithang suak tai.

NASEPTE 8:39

Lui ah kipat a hung pawtdaw phat un, Lalpa Thagau chun Philip chu a lamang ta’n, zia mi kigetpa chun ama chu a mu ta puai; chuleh, ama chu kipak tak in a chia kit tai.

1 LENGTE 19:4

Himaleh, ama chu gamthip sung ah nikhat lamzawt tiang a chia ah, munphi thingbul in a kichu tai. A thi’na dingin a don ah: “A hun tawk tai; tu’hin, aw Lalpa, ka hinna lamang ta’n, ka pu leh pate sâng in ka phazaw diak paw’ngal in,” ti in.

NASEPTE 1:2

apostolte, ama têlte kiang ah Thagau Thiangtho ah a thupiak zosia a piak dan leh, lâk to ah a um ni tiang in, a leng in ka hun zik hi.

LUKA 2:27

Tichun, Thagau pui in tempul sung ah chun a hung lut ah; nausen Jesu chu a nu leh a pa’n dan dungzui ah lat ding ah a hun pui lai ua chun,

LUKA 3:3

Ama chun, gitlona ngaidamna ding ah gitlo haisanna baptisma thu chu, Jordan lui kîmvêl ah chun a gen vêl vêl a.

1 LENGTE 18:12

La kiangah kipat ka pawt daw phat leh, Lalpa thagau in nang chu ka hetlona mun ah a la paw mang intin; tichun, Ahab kiang ka tun ah ka hil ah ama’n a hun mu zaw lo phat leh, kei la suak hin ka tangval lai ah kipat Lalpa a la lau ta hi malengle, ama’n ei that mai ding ahi.

LUKA 3:38

ama chu Enos chapa ahi’n, ama chu Seth chapa ahi’n, ama chu Adam chapa ahi’n, ama chu Pathian chapa ahi.