LUKA 21:25 - PATHIAN LEKHABU THIANGTHO (BSI)

²⁵ Chuleh, nisa leh thapi leh aksite ah khin tepte’nate hung um intin, tuipite leh tuifawn kinawk ziakin lei chung ah nam tinte lak in buaina leh lungdonna tung in a.

LUKA 21:25 Referans Kwoze

ISAI 13:10

Van ah aksite leh aksi honte chun a vâk uh sua ta pua’n au; jingkal nisale thim ta’n tin, thapi le vak ta pua’n a.

DANIAL 12:1

Ziaphat chuleh, Mikael, lal thupi tak leh, la mite hukdokpa chu hung kipan ta’n a. Khawvel ah mihing a um lim ah kipat tung kha nailo, buaina hung tung in a. Himaleh, lekhabu ah min kizik a mu taphot uh, la mite zosia chu hukdaw in um ta’n au.

ISAI 24:23

Zia ni phat chuleh, thapi kisel ta’n tin, nisale zakcha ta’n a; Sepaite Lalpa chun, Zion tâng leh Jerusalem ah chun, vai a hawm ding ziak leh, a mipi puitute ma-âng ah a lopina, a tâklat tâk ding ziak in.

THUPUAN 20:11

Lalchutpha vam lopi chung ah kichu chu ka mu’n, a ma-âng ah kipat chun lei leh van a tai mang tau a; amau â dingin mun a um ta puai.

NASEPTE 2:19

Chung lam van ah chun thilmakte leh, nuai lam lei ah teptênate mu sak ing ka tin, thisan tawh, mei tawh, meikhute tawh.

ISAI 51:15

Keima hi Lalpa la Pathian, tui kinawkte gi hum hum ding ah, tuisuagiat chokphûlpa chu ka hi’ngâl a, a min chu sepai honte Lalpa ahi.

MARKA 13:26

Ziaphat chuleh Mihing Chapa hi a lopina tawh, thilhitheina thupi tak tawh, sûm chung ah khin hung suk in a.

MARKA 13:24

Himaleh, zia buaina huaisia tak chu a hung tun zaw tak leh, Nisa hung thim intin, thapi le vâk ta pua’n tin;

MATTHAI 24:29

Zia buaina hun zaw zaw ah chun, nisa hung thim intin, thapi’n le a vak sua ta pua’n a; van ah kipat in aksite hung kia’n tin, van thil hi’theinate hilîng in um in a.

SAM 46:3

a tuite chu gi zung zung in, phul bul bul ziang hen la; a kinawk nasat ziakin tângte hi, kilîng dûp dûp ziang maleh, lau puai tiu. (Selah)

MARKA 15:33

Sûnkim ah kipat in nitâk lam dak thum tiang gam pumpi a hung thim ta’n.

JEREMIAH 4:23

Lei chu ka vak en ah, ngaitia suksiat ah um leh a hawm ahi tai; vante le ka et leh, vakna a nei ta puau hi.

ISAI 5:30

Zia ni chuleh, tuisuagiat gi hum hum gual in, amau haw do-na’n hamgi hum hum ta’n au. Gam chu kua’nle a vak et chun, thimna leh lungkhamna bep in dim zo ta’n a; tichun, vâk nalua chule sûmpi’n lia thim zo ta’n a.

MATTHAI 27:45

Sûn kim ah kipat sunnung dak thum chan in gam pumpi a thim suak tai.

MIKAH 7:4

A lak ua mi pha pen chu hampa lingnei gual ahi’n, a lak ua mi lungthim zang pen chule dâi lingnei a bang bep ui. Amau gawtna ding ni, la gâlvengteu gawtna ding chu, hung tung ding ahi tai; tu’hin a lungdon niu chu a nai tai.

ISAI 17:12

Katei, mipi tam tak tuisuagiat gi gual in, a so veng vung ui! Katei, namtin kitum in, tuisânglet husa gual in a kitum ui!

LUKA 21:24

Chemjam in thi’n tiu in, nam zosia kiang ah sal ah pui in um intiu in; Jentelte ni bukim masia Jerusalem chu Jentelte chotden in um in a.

LUKA 21:26

Van thilhitheina ziak ah lei hi suklîng hiding ahi ziakin, a sung ah mite chu thil hung um ding dan lunggêl in, lau leh hatsam in hung um in au.