LUKA 21:21 - PATHIAN LEKHABU THIANGTHO (BSI)

²¹ Ziaphat chuleh, Judea gam ah umte chu tâng lam ah jam uh hen la, khawpi sung ah umte chu pawt ngal uh hen; gam dang ah a la umte chu valût kit ta kiu hen.

LUKA 21:21 Referans Kwoze

JEREMIAH 6:1

Aw nanghaw Benjamin chate haw, Jerusalem ah kipat taidok in, la bitna ding un jam tau in! Tekoa ah chun pengkul mût unla, Beth-hakkherem ah chun hetsakna tâkdok un; siatna huaisia tak leh susia ding tizat um, mallam ah kipat in a hung kuandok hi.

THUPUAN 18:4

Chun, van lam ah kipat aw dang khat ka he kit a: “Ka mite haw, ama ah kipat hung pawt unla, a gitlonate ah la pankhâk lona ding leh, a chung ah gawtna chu la chan lona ding un, a hun tia.

MARKA 13:15

Inchung ah um chule a In sung lam in kum suk ki’hen, In sung ah a thil vala dinginle lut diak ki’hen;

MATTHAI 24:16

Judea gam ah umte chu tâng ah jam uh hen la;

JEREMIAH 35:11

Himaleh, Babulon Lengpa Nebukadrezar a hung ah, gam pumpi a hung do lai khan, ‘Kaldai sepaite leh Aramte sepai haw ka lau man un, hung unla, Jerusalem ah chia hitiu,’ ka tiu a. Ziaziakchun, Jerusalem khua sung ah chêng thei bep ka hiu,” ti in.

THUPILTE 22:3

Mi pilvâng chun lau umna a la mu lawk in, a kisêl mang sek a; mimawl in vang a khawni ngailo ziakin, a thok khawlaw sek hi.

KISIMNA LEKHABU 16:26

Mipite kiang ah chun, “Zia mi gilote biakbûk ah kipat hin jamdok unla, a bang mau le khoikha ki’un; achutiloleh, a gitlonau lak ah mangthai khawm mai ding la hiu,” a tia.

THILSIAM THU 19:26

Himaleh, Lot nung lam ah a ji chu a la kinung hei ah, chi khuam a suak tai.

THILSIAM THU 19:17

Chutia, a kaidaw zaw phat ua chun, “La hinnau humbitna ding in taidok unla, nung lam en lo hial in, phâijang ah hin le la chawl him him lo ding uh ahi; tâng lam ah khin taidok un; chutilochun, mangthai kha’n lau,” a tiu a.

JEREMIAH 37:12

Jeremiah chu Jerusalem a kipat in Benjaminte gam lam ah, mipi lak ah ama gochan ding la dingin a vachia a.

MATTHAI 2:1

Lengpa Herod hun lai ah, Judea gam Beth-lehem khua Jesu a hung pian in, sualam ah mipilte Jerusalem ah a hung un: