LUKA 21:16 - PATHIAN LEKHABU THIANGTHO (BSI)

¹⁶ Chuleh, la nu leh pateu, la suapiteu, la unauteu leh la gualteu le, nanghaw matsak in hung pang in au; a khenkhat le hun that in au.

LUKA 21:16 Referans Kwoze

LUKA 12:53

kilang bawl chiat intiu in: Pa chun chapa lang intin, chapa chunle a pa lang intin; nu chunle a chanu lang intiu in, chanu chunle a nu lang in au; mo chunle a talpinu lang intin, talpi chunle mo chu lang in a, a tia.

THUPUAN 6:9

Chun, tepte’na pangana chu a hun tham kit a; ziaphatchun, mâichâm nuai ah chun, Pathian thu ziak leh a thugin uh a tûkdet ziak ua thâ ah umte thagau chu ka mu’n.

JEREMIAH 9:4

La Invêngteu lak ah kivêng unla, la chanauteu kuama gingcha kiu in; la chanauteu zosia mi suandaw hat a hiu a, la Invêngteu zosia le, mi gensia ding ah vak-hat ahi ngal un.

THUPUAN 12:11

Belamno thisan ziak leh, amau thu hiatsakna ziak leh, a hinnau chu thi ngam ah îtcha lo ah a la pan ziak un, zawna chu a chang tau hi.

THUPUAN 2:13

La thil hi zosia leh la chênna munte, chuleh, Setan chutpha umna natiang ka hia’i; ka min chu det tak in la vop zing a, Antipas hun lai ah ka palai ginum, Setan chênna la lak ua a tha lai khan le, keima lei ginna chu la haisan diak puai.

NASEPTE 12:2

Johan suapi Jakob kha le chemjam in a that ta’n.

NASEPTE 7:59

Stephen chu suang ah a se’lai un, a pauchap ah, “Lalpa Jesu, ka thagau pui ta’n,” ti in.

MARKA 13:12

Zia tak chuleh, mi pakhat chun a suapi chu tha dingin hun matsak in tin, Pa chunle a chapa, chate’nle a nu leh pateu do dingin kipan intiu in, a thina ding uh le hun ngaitua in au.

MATTHAI 10:21

Tha dingin unau leh unau kimattua sak intiu in, pa’n le a cha matsak intiu in; chate’nle a nu leh pateu do intiu in, thâsak in au.

JEREMIAH 12:6

La chanaute leh la Inkuanpite nasan in, dawha phalo tak in a hun bawl nalai sêt un; a aw neisun un a hun ko zui un, bang gual ah thu pha gen maleu le, amau chu taksang ta kin.

LUKA 21:15

la mêlmateu zosia’n a hun dodâl ua, a hun nial thei lona ding un, la thugen diu leh pilna hun pia ding ka hi.

LUKA 21:17

Keima min ziakin mi zosia muda hung hi’n lau.