LUKA 2:40 - PATHIAN LEKHABU THIANGTHO (BSI)

⁴⁰ Zia nausen chu hung khang lian deu deu in, a hung hat deu deu ah, pilna’n a hung dim ah; a chung ah Pathian doisakna a um zing tai.

LUKA 2:40 Referans Kwoze

LUKA 2:52

Tichun, Jesu chu pilna leh taksa lam in a khang tiat tiat ah, Pathian leh mihing doisak in a um deu deu tai.

LUKA 1:80

Tichun, naupang chu a hung khanglian deu deu a, lungthim lam in a hung hat tiat tiat a, Israelte kiang ah a hung kilâk masia chu gamthip in a um zing tai.

JOHAN 1:14

Tichun, Thu chu taksa’n a hung chang a, I lak un a hung chêng ah, Pathian Chapa changkhat neisun lopina chu ahi’na gual tak in, hepina leh thutak ah dim in I la muu ahi.

1 SAMUEL 2:26

Zia hun ah chun naupang Samuel chu hung khanglian jel in, Lalpa leh mipite doisakna chang in a khanglian deu deu tai.

1 SAMUEL 3:19

Samuel a hung khanlet dungzui in Lalpa‘n a umpi zing ah, a thugen mal khat ziang le a thawn in a umsak puai.

LUKA 2:47

A thugen hekhate chun a het dan leh a dot dante chu, lamdang a sa ma mau a.

SAM 22:9

Nang chu vang sûl ah kipat ei ladokpa la hi’n; ka nu ângsung ah ka um lai khan, nang in lei la humbit tai.

1 SAMUEL 2:18

Samuel chu puan malngat ephod ah kithuam in, Lalpa âng in na a sêm a.

VAIHAWMTE 13:24

Numei chun chapa a hun hing ta’n, a min dingin Samson a sa tai. Naupang chu a khang lian ah, Lalpa‘n a maljawl ta’n.

2 TIMOTHI 2:1

Chutichun, nang ka cha, Khrista Jesu ah hepina ah chun hat tak in um inla,

EPHESA 6:10

A tawp pen in ka suapite haw, Lalpa leh a hâtna thilhitheina ah chun hat tak in um unla.

NASEPTE 4:33

Sawlchâkte chun thilhitheina lopi tak tawh, Lalpa Jesu thawkitna thu chu a dinpi sek un; a leng ua chung in doisakna nasa tak a um a.

SAM 45:2

Mihing chate lak ah mêlpha pen la hi’n, la kam ah chun lungsiatna thu ngen a pawt a; ziaziakchun, Pathian in kumtuang â dingin, mal a hun zawl tai.

1 SAMUEL 2:21

Chun, Lalpa‘n Hannah chu a tepte ah; tichun, chapa pathum leh chanu pani a hun hing tai. Chuleh, naupang Samuel chu Lalpa ma’n a hung khanglian tai.