LUKA 2:34 - PATHIAN LEKHABU THIANGTHO (BSI)

³⁴ Simeon chun mal a jawl ah, a nu Mari kiang in, “Zia nausen hi Israelte lak ah mi tam takte pûkna ding leh, dindawna ding ah kiguat ahi; ama a gensiat ding uh tepte’na leh,

LUKA 2:34 Referans Kwoze

1 KORINTH 1:23

Kei un vang Khrista khetden ah um thu chu ka gen ui; zia chu Judate â dingin kilikna ahi’n, Jentelte â dingin ngolna ahi.

MATTHAI 21:44

Kuale zia suang chung ah kipûk chu kitat jak ding ahi; a del den khâkte vâng vâng chu del pen mai ding ahi, a tia.

HOSEA 14:9

Mipil taphot chun ziate hi hechian tau hen; hiatthiamna nei taphot in zia chu he tau hen. Lalpa lampite chu a dik in, mi dikte’n zia chu a haw un; himaleh, bawlsiate vang, zia chun a kipal pûk sek ui.

1 PETER 4:14

Khrista min ziak ah vau la hiu leh mi hampha la hiu; lopina leh Pathian Thagau chu la chung un a um tai.

HEBRAITE 7:7

Ahi’n, nial gual lo in a neuzaw chu a lianzaw’n a maljawl sek hi.

ROMTE 9:32

Bang ziak ah zo lo a hiu em? Ginna’n a del puau ah, thil hi’ ah a del ziak un ahi. Kipalna suang ah chun a kipal tau ahi.

NASEPTE 6:7

Pathian thu chu a kizak jel ah; Jerusalem ah nungzuite chu nasa tak in a pung tau ah; thiampute tam tak inle ginna chu a pom tau hi.

NASEPTE 24:5

Zia pa hi mi subuai leh lau um tak ahi’n, khawvel pumpi Judate lak ah buaina bawldok vet sek, Nazareth pawl ah a mapui pen a hi ti kichian tak in ka he tau hi.

NASEPTE 17:6

A mu zaw lo phat un Jason leh gingtu khenkhatte chu khua sung vaihawmte kiang in a kai lut ua, a kiko ua, “Khawvel subuaite kha zia hinle a hung ui:

NASEPTE 13:45

Ahi’n, Judate chun mipite chu a mu phât un, itsikna’n a hung dim tau ah, Paul thugente chu a hilo lam lam ah hun nialkãl in, a demsiau a.

NASEPTE 4:26

Lalpa leh a Messiah dodâl dingin, lei ah lengte chu a hung dingdok un, lalte chule a hung kikhawm tau hi,’ la ti gual ah khan.

JOHAN 5:18

Judate chun, sabbath ni a bawsiat ziak beple hilo in, “Ama leh ama Pathian gual ah kisiam in, Pathian chu ka Pa ahi, a tii,” a ti ziak un, tha a nuam deu deu un, a thalup theina ding chu a hawl zaw diak tau hi.

JOHAN 3:20

Thil phalo bawl tapo in vâk a dawi puau in, vâk inle a hung nuam puau hi.

MATTHAI 27:63

“He pu, zia mithêmpa khan a dam lai khan, ‘Ni thum zaw leh thokit ding ka hi,’ a ti kha ka hezing ui.

MATTHAI 12:46

Jesu’n mipite kiang ah thu a gen lai chun, a nu leh a suapite a hung ua, ama kihopi nuam in, In mai lam in a ding ua.

MATTHAI 11:19

Mihing Chapa a hung ah, a nêk leh a dawn a muu in, “Mi gawlhatpa, uain haipa, sedawlte leh migilote gualpa, a tiu a. Himaleh, pilna chu a nasep in a kilang hi,” ti in.

ISAI 8:18

En tiam un, kei leh naupangte Lalpa‘n ei piakte hi, Zion tâng ah cheng sepaite Lalpa ah kipat Israelte lak ah tepte’na leh etsakna ka hiu hilam.

PAWTDAWNA THU 39:43

Lalpa’n thu a piak gual chet in bawl ding zosia chu a bawl zo tau hi ti Mosi’n a mu phât in a maljawl tai.

THILSIAM THU 47:7

Joseph in a pa Jakob chu Pharaoh ma ah chun a pui ah, a ma-âng ah chun a dinsak ah: Tichun, Jakob in Pharaoh chu a maljawl ta’n.

THILSIAM THU 14:19

Ama chun Abram chu a maljawl ta’n, a kiang in: “Lei leh van siampa El Elyon in maljawl hen la;

HEBRAITE 7:1

Zia, “Melkisedek, Salem lal chu, Chungnung pen Pathian thiampu ahi’n, Abraham in lal dangte a zaw ah, a kile’kit a la dawn ah, a la maljawlpa kha ahi”.

NASEPTE 28:22

Himaleh, tu’hin, la ngaidan khenkhat hetnop um ka sau hi; zia pawlte chanchin hi a gensiatnau ka la hekha sek ngal un,” a tiu a.

1 SAMUEL 2:20

Ziaphat chuleh, Eli chun Elkanah leh a ji chu zia gual hin maljawlna a dot piak sekah: “Lalpa â dingah zia la thilpiak ziak ua hin zia numei hi Lalpa‘n chate pia’n, hun dit kit ta hen,” ti’n; ziazaw chuleh, a In lam un a chia kit bep sek ui.

LUKA 2:35

mi tam tak lunggil ngaituana chu tâklat in hung um intin; chuleh, nangma hinna ngeile chemjam in hun sunlet in a,” a tia.