LUKA 2:21 - PATHIAN LEKHABU THIANGTHO (BSI)

²¹ Nausen chu a zektan hun ding ni, ni giat ni chu a hung tun phatin, ama chu vansawlchâk in a nu sul sung ah a um ma a la genlawk sa ahi ziakin, a min in Jesu a sa tau hi.

LUKA 2:21 Referans Kwoze

THIAMPUTE LEKHABU 12:3

A ni giat ni chun a zek a tan piak ding ahi.

LUKA 1:59

Chuleh, a ni giat tin ni chun, nausen zektansak dingin a hung un; a pa min ma Zekhariah sak ding a guau a.

LUKA 1:31

Ngaitia, nau hun vop in la tin, a min in JESU la sak ding ahi.

THILSIAM THU 17:12

Chutichun, la lak ua kuale, ni giat ah upa chu, la suante suan sawn tiang inle, la suante hi khel khel lo le, la In sung ah piang a hem, mikhual kua kiang ah kipat hiziang leh le dangka sum ah la chawkte le a zek uh la tan ding ahi;

PHILIPPI 2:8

mihing gual ah hung piang in, ama leh ama a hung kingaitawm ah, thi tiang ah thu jawm in a hung um a, kros ah a thina ngei chu.

MATTHAI 3:15

Himaleh, Jesu’n a kiang in, “Tu’hin ei chansak mai in, zia gual ah dikna dan zosia sukbukim hi I bawl dingin a kilawm hi,” ti’n a dawnhu a; tichun lem a sa tai.

MATTHAI 1:25

ahi’n la, chapa a nei masia chu a luppi puai. Chuleh, a min in Jesu a sak tai.

MATTHAI 1:21

Chapa hing intin, a min in Jesu la sak ding ahi; ama chun a mite a gitlonau ah kipat hukdok ding ahi ngal in,” a ti’n.