LUKA 2:14 - PATHIAN LEKHABU THIANGTHO (BSI)

¹⁴ “Chungnung pen ah Pathian chu, lopi tak in um hen la, lei chung ah a doisak ma ma mihingte kiang hin, chamna um ta hen!” a tiu a.

LUKA 2:14 Referans Kwoze

ROMTE 5:1

Ziaziakchun, ginna ziak ah thiamchang ah um in, I Lalpau Jesu Khrista jal in, Pathian tawh kicham in I um tau hi.

LUKA 19:38

“Lalpa min ah Lal hung chu a hampha na e! Van ah chamna thu leng hen la, vansang pen ah khin lopina um ta hen!” a tiu a.

KOLOSSA 1:20

chuleh, ama ziak ah Pathian in bangkim tawh kichamna a nei chu a lung lam tak ahi; lei chung ah um hi’n, van ah um hitaleh, a kros thisan ziakin kichamna a hun siam ta ahi.

LUKA 1:79

thim lak leh thina lim nuai ah a la chute, salvâk ding leh thamuanna lampi lam ah, I kengteu pui dingin,” a tia.

THUPUAN 5:13

Thilsiam zosia, van leh leinuai leh tuisuagiat chung leh a sung ah um zosiate chun: “Lalchutpha chupa leh Belamno kiang ah chun, maljawlna, jana, lopina leh, vaihawmna leh thilhitheina kumtuang in um hen,” a tiu ka he.

ISAI 57:19

A gamla leh a nai tuam ah umte haw, thamuang unla, thamuang tak in um un, Lalpa‘n a tii; tichun, sudam ding ka hi.

NASEPTE 10:36

Pathian in a thu chu Israel mite kiang in a hun tun ah, Jesu Khrista ah thamuanna thu a gen, ama chu mi tin Lalpa ahi, ti hi.

JOHAN 17:4

Nang in na sep ding ah lei piak kha ka sêm zo ta’n, khawvel ah hin nangma ka chawihoi tai.

2 THESSALONITE 2:16

Tichun, I Lalpa Jesu Khrista ngei leh, Pathian I Pau, ei hepipa leh hepina ziak ah kumtuang ah thamuanna leh kinepna ei pepa chun,

PHILIPPI 2:11

leh Lei zosia’n Pa Pathian lopina ding ah, Jesu Khrista chu Lalpa ahi, ti a puanna ding un.

LUKA 3:22

Thagau Thiangtho chu vakhu gual in a chung in a hung chû. Van ah kipat aw hung pawt chun, “Nangma, ka Chapa dawi tak la hi, la chung ah ka kipak ma ma hi,” a hun tia.

MATTHAI 21:9

A ma lam ah chiate leh a nung lam ah hungte chu a kiko ua: David Chapa kiang ah Hossana! Lalpa min ah hung chu a vangpha ahi! Chungnung pen ah Hossana! a tiu a.

ISAI 49:13

Aw vante haw, kipak in La sau in, aw khawvel, lim ta’n; aw tângte haw, La sa’n hung kikodok un! Lalpa‘n a mite a thamuan ta’n, genthei thuakte chung in, a lainatna tunsak ding ahi ta’ngal a.

EPHESA 1:9

Khrista ah a thiltup, a doilam dungzui ah a lunggil thugûk chu ei hiatsak ta ahi.

EPHESA 1:6

A hepina chun ama’n ei la lut ah, zia a hepina lopi chu I chawihoina ding un.

ISAI 44:23

Aw vante haw, La sa tau in, Lalpa‘n a bawl zo tai; leimun niam pente haw, hung kikodok tau in. Aw tângsangte, gammâng leh, a sung ah thing zosiate haw, La sa’n hung kikojak tau in! Lalpa‘n Jakob a hukdok ta’ngal a, Israelte lak in choisa’n in, hung um ding ahi tai.

PHILIPPI 2:13

A lung lam sêm ding ah sepnopna hun pepa chu Pathian ahi ngal a.

EPHESA 2:7

Chutichun, hun hung tung kit ding ah te chun Khrista Jesu ziak ah I chung ua nunnem in, a hepina lopi hau dan te’gual lo chu ei musak theina ding in.

EPHESA 2:4

Ahi’n la, Pathian chun, hepina a hau dungzui ah ei la hepi ziakin;

JOHAN 14:27

Thamuanna ka nutsia piak la hiu; keima thamuanna ngei chu ka hun piak la hiu; khawvel in a hun piak gual in ka hun pia puai. La lungthim uh lungkham ki’hen la, lau le lau diak ki’hen.

JOHAN 3:16

Pathian in khawvel a hepi ma ma ziakin, a Chapa changkhat neisun chu a hun pia tai; kuale ama ging taphot chu mangthailo ah, kumtuang hinna a nei ngeina ding un.

MIKAH 5:5

Chuleh, ama chu I kichamnau hita’n a. Assuriate’n I gam uh a hung sim ua, I lei chang uh a chotden phat uh leh, ei un amau do dingin belampu pasagi leh, vaihawmtu pagiat tungdok hitiu.

LUKA 2:13

Chuleh, thakhat in vansawlchâk kiang ah chun van mite a hung um un, Pathian pâkna La a hun sau a:

LUKA 2:15

Vansawlchâkte chu van lam ah a chia mang kit phat un, belam chingte chun, “Tu’hin Beth-lehem lam in vachia hitiu in, Lalpa‘n ei hung hil chu va-en hitiu,” a kitiu a.