LUKA 18:12 - PATHIAN LEKHABU THIANGTHO (BSI)

¹² Hapta khat sung in nivei an ka ngawl in, ka nei tapo sawm ah khat ka pesek hi’ a ti’n.

LUKA 18:12 Referans Kwoze

LUKA 11:42

Ahi’n, nanghaw Pharisaite haw, la chung uh a gik hi! Pudinate, lokhate leh anche lohingte sawm ah khat la pesek ui; ahi’n, diktatna leh Pathian hepina chu la limsak puau hi, ziate chu ei vei la bawl ding uh; a dangte chule thul diak lo in.

MATTHAI 9:14

Zia lai tak ah chun Johan nungzuite a kiang in a hung un, “Kei uh leh Pharisaite’n an ka ngawl sek ua, bangatia la nungzuite’n an ngawl lo a hiu em?” a hung tiu a.

LUKA 17:10

Zia gual ma chun, nanghaw’nle la kiang ua thupiak zosia gual ah la bawl nung un, ‘Suak phachuam lo I hiu, I sep uh hi I sep ding him uh ahi’ ti sek un,” a tia.

1 TIMOTHI 4:8

Taksa lam ah kisoizoina hin phatchuamna a nei tho hi; himaleh, Pathian ngaisakna chu bang lam lam inle a phachuam hi; tu’ ah hinna leh hinna hung tung ding tiang ah thutep nei ahi.

MATTHAI 6:1

La thilpha hi’teu mihing mit mu ah kilang ding bep hilo dingin chingthei un; chutilochun, la Pau van ah um kiang ah chun kipakman ding nei pua’n lau.

MALAKI 3:8

Mihing in Pathian a suam ngai em? Nang un vang lei suam zing uh ahi! Nang un vang, “Bangti’n ka hun suam ua a hem?” la tiu ah. La sawm ah khat leh thawlawm thillat un lei suam sek uh ahi!

EPHESA 2:9

Thilhi ziak ahi puai; chutilochun mi kisuang kha’n au.

GALATIA 1:14

Chuleh, pu leh pate thugosia chung ah phatchuam ka ngai nasat diak ziakin, Judate biakdan lam inle ka chipite lak ah ka khan gualte tam tak chu ka la khêl tai.

1 KORINTH 1:29

Pathian ma’n kuama a kisuan theilona ding un.

ROMTE 3:27

Kisuanna chu khoi ah a um tam le? Panna a nei ta puai! Bang dan in a hem leh? Thilhi dan in a hem? Hilo e, ginna dan in a hizawi.

MATTHAI 6:16

An la ngawl tak ua leh le mi phalêmte gual in ngui mêl pu kiu in; amau chun mi mit mu ah anngawl a hiu kilat theina dingin, a mêl uh a hinâng chiat chuat sek ui. Titakzet in ka hil la hiu, a kipakman uh chu a mu zo tau hi.

MATTHAI 6:5

La pauchap phat leh, miphalêmte gual ah la hi’ding ahi puai; amau chun mi mutheina ding sunagog leh, khawlai lamka bul ah te’n a pauchap nuam diak sek ui. Titakzet in ka hil la hiu, a kipakman uh chu a mu zo tau hi.

ISAI 1:15

La khut ua lei hun bat phat ua leh, nang uh mu lo dingin, ka mit sêlmang ing ka; tam veipi pauchap maleu chin, ngaitha pua’ng ka; la khut uh thisan in a dim ta ngâl a.

2 LENGTE 10:16

Ama chun, “Ei zui inla, Lalpa â ding ah ka phatchuamngai dan tak hi hun en in,” a tia. Tichun a kângtalai ah chun a chuansak tai.

1 SAMUEL 15:13

Saul kiang ah Samuel a tun phatin Saul in a kiang in, “Lalpa‘n mal hun jawl ta hen; Lalpa thupiak gual in ka vabawl zo tai,” ti’n a gen a.

KISIMNA LEKHABU 23:4

Tichun, Pathian in Balaam a hung kimupi ta’n; Balaam in a kiang in, “Mâichâm sagi ka bawl zo ta’n; chuleh, zia mâichâm ah chun bawngchal khat leh belamchal khat chiat ka lân tai,” a tia.

KISIMNA LEKHABU 18:24

Israelte chun Lalpa kiang ah a sawm ah khat piak zosiau leh Lalpa â ding ah thillat a koichuam zosiau chu, amau gochan dingin ka pedok ta ngâl a. Ziaziakchun, Israelte lak ah kipat in gambung chantum a nei lo ding uh ahi ka la ti ta ahi kha, a tia.

MATTHAI 5:20

Ka hil la hiu, Pharisaite leh Lekhazikte felna hi la khûp lo ua leh, van-gam chu lut lo hial ding la hiu.