LUKA 18:11 - PATHIAN LEKHABU THIANGTHO (BSI)

¹¹ Pharisai pa chu a hung ding ah, ama chang in zia gual hin a hung pauchap a: ‘Pathian, keima hi mi dang gual ah negu, diktat lo leh ângkawm ka hilo ziakin leh, zia sedawlpa gual hile ka hilo ziakin la chung in ka kipak hi.

LUKA 18:11 Referans Kwoze

MATTHAI 6:5

La pauchap phat leh, miphalêmte gual ah la hi’ding ahi puai; amau chun mi mutheina ding sunagog leh, khawlai lamka bul ah te’n a pauchap nuam diak sek ui. Titakzet in ka hil la hiu, a kipakman uh chu a mu zo tau hi.

THUPUAN 3:17

Ka hausa hen, nei leh lam ah ka pung hen, bangma ka tasam puai, la ti’n; himaleh, nang michaga, lungsiat um leh migenthei, mitthûm leh ngawnchang la hîdan la kihiat lo ziakin,

ISAI 65:5

amau chun, “A la kivêng inla, ei hun nai kin, nang ah kipat koidaw thiantho ka hi ta’ngal un,” a tiu a. Zia gual mite chu ka nâk hawm ah meikhu ka thâdaw gual leh, sun nitum ah meikâng gual chu a hiu.

JEREMIAH 2:35

nang in, bangma ka bawl khial pua’n; ka chung in lung na pua’n a, la ti nalai a. Bangma ka bawlsia puai la ti ziakin, tu’hin, la chung ah vaihawm ding ka hi.

MARKA 11:25

Chuleh, pauchap ding ah la din tak ua leh, mi ngaidam ding la nei ua leh ngaidam phot un; zia tak chuleh la Pau van ah um chun nang uh hi’khialna le ngaidam ding ahi.

GALATIA 3:10

Dan thil hi’ ah kinga tapote chu dan hânsia nuai in a um ngal un; “Dan lekhabu thu kizik zosia gual ah bawl zing lo tapo chu hânsia dawl in um uh hen,” ti zik ahi ngal a.

LUKA 20:47

Amau chun meithâite a ne gam un, mi mu dingin sawt tak tak a pauchap ui; ziate chun thiamlo channa nasa zaw hun tuak ding a hiu,” a tia.

MIKAH 3:11

A vaihawmteu in golgûkna’n vai a hawm un, a thiamputeu inle law mu’na ding bep in a zilsak un; a jawlneiteu inle sum mu ding kinem in thu a gen sek ui; chutisapi’nle, Lalpa chung ah a ki-ngau in “Lalpaei umpi ngei hi! I chung ua siatna bangma hung tung pua’n ah,” ti’n thu a gen sek ui.

EZEKIEL 33:31

Mipite chu hung khawm in, la kiang in la mipite a hung chukhawm un, la thugente chu a ngai un, himaleh, a zawm diak puau hi. A kam un pâkcha maleu, a lungthim un vang amau lawkna ding bep a ngaituau hi.

JEREMIAH 2:28

Ahileh, la pathian ding ah la kisiamte kha, khoilam tung zo a hitau em? La buaina kipat hun hukdok thei a hiu chun, hung kipanleu hiding a pom. Aw Judah, la khawpi jat ah tam, pathiante la nei uh hilo maw!

ISAI 58:2

Ahi’n, amau chun nisi’n in ei hawl ngei un, ka lampi le a he nuam nau hi; dik tak ah bawl sek namte gual leh, a Pathian thuthung kihei mangsanlote gual in, dik tak in vaihawm in ei tiu a; Pathian nei le a nop lam uh ahi nai.

SAM 135:2

nanghaw Lalpa In ah ding ah, I Pathian In huang sung tual ah ding sekte haw,

SAM 134:1

Lalpa suak, Lalpa In ah jan sîn ah ding sekte haw, hung unla, Lalpa chu pâk tau in!

PHILIPPI 3:6

phatchuam ngaina lam in kochuamte sugentheipa, dikna dan lam ah chun dem kâi lo ka hi.

ISAI 1:15

La khut ua lei hun bat phat ua leh, nang uh mu lo dingin, ka mit sêlmang ing ka; tam veipi pauchap maleu chin, ngaitha pua’ng ka; la khut uh thisan in a dim ta ngâl a.

THUPILTE 20:6

Mi tam takte chu diktat hi’n kigen chiat maleu, mi muan um tak chu kua hem mu zo ding?

THUPILTE 30:12

Amau mit mu ah thiam kisa, a hiziak ah a buak kainau sawp thiang lo le a um ui.

MATTHAI 5:20

Ka hil la hiu, Pharisaite leh Lekhazikte felna hi la khûp lo ua leh, van-gam chu lut lo hial ding la hiu.

MATTHAI 10:3

Philip leh Bartholomai leh Thoma tawh sedawlpa Matthai tawh, Alphâi chapa Jakob tawh, Thaddai tawh;

LUKA 22:41

Tichun, ama chu suang ah vak se’phâkna ding tiang ah hin a vachia chuam a, khiangkho in a pauchap ta’n: