LUKA 17:2 - PATHIAN LEKHABU THIANGTHO (BSI)

² Kuale zia a neupente lak ah pakhatle pûksak chu, a ngawng in sumhêk suang ki-awsak hen la, tuisuagiat ah kisep lut leh, zia chu ama â dingin phazaw’n a.

LUKA 17:2 Referans Kwoze

MARKA 9:42

La lak ua kua’nle, keima ei gingte lak ah a neupen le a sukpûk chun, a ngawng in suang sumhêk lianpi kikhâi hen la, tuisuagiat ah kipai lut leh ama â dingin pha zaw’n a.

MATTHAI 18:14

Zia gual ma chun, zia mi neute lak ah pakhat ziang manthai hile, la Pau van ah um lung lam ahi puai.

MATTHAI 18:10

Ziaziakchun, zia naupang neuchate lak ah pakhat ziang le musit lo dingin chingthei ta un; ka hun hil la hiu, a vansawlchâkteu in van ah um ka pa mel a mu zing uh ahi.

1 KORINTH 9:22

A jawngkhalte ka lâk lut theina dingin, a jawngkhalte kiang in jawngkhal gual in ka um sek hi. Bangti a hem ah khenkhat bêk ka hukdaw theina dingin, mi zosia kiang in bangkim ka hi tai.

MATTHAI 26:24

Mihing Chapa hi a chung thu kizik gual gual ah um ding him ahi; himaleh, Mihing Chapa matsak dingpa chung hi a gik hi! A la piang lo hileh ama â dingin pha zaw’n a,” a tia.

1 KORINTH 9:15

Ahi’n la, zia thuneinate chu pakhat chale ka mang puai; ka chung ah zia gual chu la bawlna ding ua ka hun zik ahi pua’n; ka kisuanpi ei lâkpiak sâng un thi zaw mai ing ka!

JOHAN 21:15

Chun, jing an a nêk zaw phat un, Jesu chun Simon Peter kiang in, “Simon, Johan chapa, nang in ziate haw sâng ah hin lei hepi zaw em?” ti’n a dong a. Ama chun a kiang in, “I, Lalpa, ka hun hepi hi ti la hia’i,” ti’n a dawnhu a. Ama chun a kiang in, “Ka belamnote vâk in,” a tia.

ZEKARIAH 13:7

“Aw chemjam, hung tho inla, ka belampu leh keima ei kithuapipa chu hun sât in,” sepai honte Lalpa chun a ti ahi. Belam honte a taijak theina ding un belampu chu sât inla; a note chung ah ka khut tha ta’ng ka.

ISAI 40:11

Belam chingpa’n a belam hon an a piak gual in an a pia’n; belam note a khut in pâi khawm intin, a ângkawm ah pâi in, a belamte chu jaidam takin kaihuai in a.

MATTHAI 17:27

ahi’nla, amau haw hi a lungkimna ding un, nang dil ah vachia’n la, ngakuai vakhai in; sanga la mat masak pen chu a kam keu lechin dangka pani a la um in a; zia chu la’n la, kei leh nang â dingin a kiang un pia’n, a tia.