LUKA 16:9 - PATHIAN LEKHABU THIANGTHO (BSI)

⁹ Ka hil la hiu, lei chung sum hin jawl leh gual kisiam un, zia chu a bei phat leh kumtuang ah umna chun a hun lawp lut theina ding un.

LUKA 16:9 Referans Kwoze

MATTHAI 19:21

Jesu’n a kiang in, “Pha bukim ah um la nop chun chia inla, la nei zosia zuak inla, migentheite kiang in pia’n, zia tak chuleh van ah go nei inla: Chuleh, hung inla ei zui in,” a tia.

MATTHAI 6:24

Kuama’n hotu pani na a sêmkop thei puai; pakhat muda in pakhat ngaina’n, pakhat â di’n gunchu intin, pakhat simmaw in a. Pathian leh sum na sêmkop thei pua’n lau.

DANIAL 4:27

Ziaziakchun, aw lengpa, ka hun thuhilna hi pom mai ta’n: La gitlona haisan in thil dik bawl in; la bawsiatnate haisan in, tawden ah umte chu lainat ta’n; chutileh, nuamsa tak ah la khawsakna hi zopsau piak hiding la hi, ti’n a dawnhu a.

LUKA 16:11

Zia lei chung sum leh pâi chung ah bawn la ginumlo ua leh, kua a hem sum tak tak hun vopsak ding?

THUPILTE 19:17

Migenthei somdawl chun Lalpa thunglâksak ahi’n; ama’n dit kit sik sek in a.

LUKA 14:14

Ziate chun ditna ding a nei lo ding ziak un a hampha hiding la hi; midikte thawkit tak leh dit kit ah um ding la hi,” a tia.

LUKA 12:33

La thil neiteu chu zuak un la, gentheite kiang in piau in; Paisa dip lui theilo chu kingaituau inla, guchate’n le a nai theilonau, a nget inle a nêk siat theilona van ah chun khol khawm zaw tau in.

LUKA 11:41

Himaleh, la nei leh lamteu chu migentheite kiang in pia zaw leu chin, nang uh â dingin bangkim a thiang ahi.

2 KORINTH 4:17

Ka thokgimnau neucha, mit phet kâl bep ding hin, lopina nasa tak, kumtuang â ding ei siam piak ahi.

LUKA 16:13

Suak kuama’n hotu pani na a sêmkop thei puai; pakhat muda in pakhat hepi intin; pakhat kiang ah kitulût intin, pakhat chu dangdâk in a. Pathian leh sum na sêmkhawm thei pua’n lau, a tia.

NASEPTE 10:31

Ka kiang in, ‘Kornelia, la pauchapna kha het in a um ta’n, mite kiang ah la thilpiakte kha le Pathian in a hezing hi.

MATTHAI 6:19

Lei ah nget leh tuiêk in a neksiatna, guchate’n a sukvan ua a gûk theinau ah hin la go uh khol kiu in.

JUDA 1:21

Pathian hepina ah um zing unla, kumtuang hinna ah pui tung thei I Lalpa Jesu Khrista hepina chu ngâk zing tau in.

NASEPTE 10:4

Ama chun lau tak in a vak en ah, “Lalpa, bang a hem?” a tia. Ama chun, a kiang in, “La pauchapnate leh la thilpiakte kha Pathian ma’n het zing dingin a tung to tai.

THUGENTU 11:1

La vaithum chu tui chung ah pai lechin, ni tam tak nung leh mu kit ding la hi’ngal a.

THUPILTE 23:5

Hausaknate chu vak mu vuat le chinle a bei kawm ngal a, tha a hun nei un, muvânlâi van lam ah leng mang ziang tawhbang chu ahi ngal a.

ISAI 57:16

A kum a khua’n hun mawsak zing pua’ng ka tin, la chung inle lungna zing diak pua’ng ka; achutiloleh, ka ma-âng in thagau leh, a hinnau ka siam piak nasan chu, basam zo mai ding ahi ngal in.

SAM 73:26

Ka taksa leh thinlung chautha maleh; Pathian chu vang kumtuang ah, ka thinlung hi’hatpa leh, ka kumtuang gochan chu ahi.

LUKA 16:4

ka sumkolna ei haisak phat leh, min a In ua ei la lop luttheina ding un, ka bawl ding dan ka he tai, a tia.

THUPILTE 14:24

Mipil lal lukhuk chu a pilna chu ahi’n; mingolte chun a ngolnau pâk khi a awk ui.