LUKA 16:1 - PATHIAN LEKHABU THIANGTHO (BSI)

¹ Chuleh, Jesu’n a nungzuite kiang in zia gual hin a gen a: Mihausa kua a hem pakhat a um a, a sepkolpa khut in a nei zosia a etkol sak a; zia pa chun a nei leh lam etkolte chu a suchavai mai mai hi, ti ah hêk in a um ta’n.

LUKA 16:1 Referans Kwoze

1 PETER 4:10

mitin in thilpiak la chan dungzui chiat un, Pathian hepina zosia vop phate gual in, ziate ah chun na kisep piak tua chiat un.

LUKA 12:42

Lalpa chun, ahileh, suak ginum leh sepkol ginum, a pu’n a Insung hotu ding ah a guat ding leh, a hun tak ah a nêk ding uh ngaitua tûp piak sek ding chu a kua pen chu ahi diam?

JAKOB 4:3

La don un, la dot diklo ziak un la mu puau hi; la nopsakna ding ua la mat guat ziak un.

TITA 1:7

kochuam hotu chu Pathian sum enkoltu ahiziak in, dem kâi lo ahi ding a hia; ama thu bep dawi hilo, lungna vak lo, zu dawn chîng lo, khut tha pai ziang lo, diklo tak ah lawkna hawl lo;

LUKA 15:30

Himaleh, zia la chapa, nawchizuakte kiang ah la sum nezopa hi a hung phatin, ama â dingin bawngno thaupen la tha piak in, a tia.

LUKA 15:13

Chomkhat zaw in, a chapa neuzaw chun a chan ding zosia lakhawm in, khual gamla tak in a chia ta’n; kinoptel tak in a um ah, a nei zosia chu a sumang zo tai.

LUKA 19:20

Chuleh, a dang pakhat a hung kit ah, ‘Lalpa, en tia, zia tak ah hin la dangka kha a um zing hi, puan in ka chûn hi;

THUPILTE 18:9

Nasep thadâ chu mi gawt mangthaipa suapi ahi.

LUKA 16:19

Mi hausa kua a hem khat a um ah, puan sandup leh puan malngat in a kithuam sek a, nisi’n nuamsa tak ah ne leh dawn in a um sek hi.

LUKA 8:3

Herod sepkolpa Chuza ji Joanna tawh, Susanna tawh, midang tam tak tawh le a hiu a, amau haw chun a thil neiteu ah kipat in ama â ding a bawl piak tau a.

HOSEA 2:8

Bu te, uain te, sathau te, chuleh, Baal â ding ah a mat uh, dangka leh sana sukpun piak chu, keima ka hi ti amanu’n a hepuai.

1 KHANGTHU 28:1

Israel gam vaihawmte zosia tawh, phung tin ah vaihawmte zosia tawh, lengpa nasêm ding ah a pawl pawl ah kisiamte chung ah hotute zosia tawh, sepai a sang têl chung ah hotute tawh, sepai a za têl chung ah hotute tawh, lengpa leh a chate go thil leh gan-gual zosia chung ah mawpawte zosia tawh, leng Inpi sung ah milian leh lalte tawh, gâlhangsante tawh, sepai hat zosia chu Jerusalem khua hung khawm dingin David in a ko khawm tai.

THILSIAM THU 43:19

Joseph In enkoltu chu a vanai ua, kotkhak bul ah chun a vaho ua:

THILSIAM THU 15:2

Abram in, “Aw Lalpa Pathian, bang ei pia ding la hi em? cha nei lo in ka um zing nalai ah, ka In sung golua ding chu Damaska khua Eliezer ahi ngal in?” a ti’n.

MATTHAI 20:8

Nitâk a hung hi in, grep huan neipa chun a sum voppa kiang in, nasemte kha ko inla, a nunung pen ah kipat a masa pen tiang in a law uh pia’n, a tia.

LUKA 16:2

Tichun, ama chu a pu’n a hun ko ah, a kiang in, la chungchâng thu ka het hi bang thu a hem? La sumkol dan hun zik tup in la ei pia’n; tu’kipat sumkol ah pang talo ding la hi, a ti’n.