LUKA 11:42 - PATHIAN LEKHABU THIANGTHO (BSI)

⁴² Ahi’n, nanghaw Pharisaite haw, la chung uh a gik hi! Pudinate, lokhate leh anche lohingte sawm ah khat la pesek ui; ahi’n, diktatna leh Pathian hepina chu la limsak puau hi, ziate chu ei vei la bawl ding uh; a dangte chule thul diak lo in.

LUKA 11:42 Referans Kwoze

MATTHAI 23:23

Nanghaw, lekhazikte leh Pharisai miphalêmte haw, la chung uh a gik hi! La thâichiteu lak ah pudinate, mawsawlate leh pathikhawmte natiang in sawm ah khat la piau a; dan thupiak poimaw tak tak, vaihawmna dan, jangaina dan leh ginna dante hi bangma’n la ngai puau ah; a dangte chu haisan diak lo in, ziate chu la hiding him uh ahi.

LUKA 18:12

Hapta khat sung in nivei an ka ngawl in, ka nei tapo sawm ah khat ka pesek hi’ a ti’n.

1 JOHAN 4:20

Kuale, “Pathian ka hepi hi,” ti ah, a suapiteu hua chu juauthei a hiu; a muzing a suapiu bawn hepilote chun, a mu lo uh Pathian chu a hepi thei puau hi.

MALAKI 3:8

Mihing in Pathian a suam ngai em? Nang un vang lei suam zing uh ahi! Nang un vang, “Bangti’n ka hun suam ua a hem?” la tiu ah. La sawm ah khat leh thawlawm thillat un lei suam sek uh ahi!

MIKAH 6:8

Aw mihing, a pha kiti chu a hun hil tai; Lalpa’n nangma a hun phûtna chu, dik tak ah bawl leh lungsiatna ngainat ah, thunuaigol tak ah la Pathian tawh kiton hilo a hem?

THUPILTE 21:3

Dikna leh thutakna chu, Lalpa‘n kithoina sâng in pom tâk a sa zawi.

MATTHAI 23:27

Lekhazikte leh Pharisai miphalêmte haw, la chung uh a gik hi! Thân a pawlam mêlpha tak ah kijut vam ah, a sunglam mithi gu leh thilbuak tincheng ah dim tawhbang la hiu.

1 SAMUEL 15:22

Ziaphatchun Samuel in: “Lalpa‘n a thu mat sâng ah, hâlmang thilpiak leh kithoina kipakpi zaw a hem? Ahi’pen chu, kithoina sâng in thumat a phazaw’n, a thu ngaisak chu belamchal thau tak, piak sâng ah le phazaw ma ma ahi.

JOHAN 5:42

Himaleh, nangmau ah Pathian hepina a um puai, ti ka hia’i.

MATTHAI 23:13

Nanghaw, lekhazikte leh Pharisai miphalêmte haw, la chung uh a gik hi! Mi van-gam lut ding la dâl ua; nang uh la la lut puau ah a lut nuamte le la lutsak diak puau hi.

MALAKI 2:17

La kam suakteu chun Lalpa la suthachawl tau a. Nang unla, “Bangti’n em ka hun sukthachawl uh?” la ti nalai un. Nang un, “Thil phalo bawl tapo chu Lalpa mit mu ah pha a hiu ah, a chung un a kipak hi,” la tiu leh, “Dikna Pathian chu khoi ah um ahi tam?” la tiu hin, la suthachawl uh ahi ngal a.

MALAKI 1:6

Aw Thiampu, ka min simmawte haw, cha’n a pa a chawihoi in, suak in a pu a chawihoi hi; kei pa ka hileh chawihoi ah ka umna bang ahi em? Hotu ka hileh ja ah ka umna bang ahi em? ti’n sepaite Lalpa‘n a hun dong la hiu. Nanghaw chun, “Bangti’n la min ka simmawu ah a hem?” la tiu a.

THUGENTU 7:18

A pakhat zaw la tûk det chu a phai, a hi’n la, khat zaw chule tha’suak diak lo in; Pathian ki’chate chu a pani ni’n a lawting sek ui.

NEHEMIAH 10:37

chuleh, ka changbuang mêkteu lak ah masa pen leh ka thawlawmteu, ka thingga masa penteu, uain leh sathauteu le thiampute kiang ah, ka Pathian uh In pindan ah hun chawi ding leh, ka lei gateu sawm ah khat Levite kiang ah hun pia ding in ka kitiam tau ah; Levite chu khawneu ah sawm ah khat zosia lakhawm ah pang ahi him ziak un.