LUKA 10:21 - PATHIAN LEKHABU THIANGTHO (BSI)

²¹ Zia lai tak ah chun, Jesu chu Thagau Thiangtho in a hung kipak ma ma ta’n: “Aw he pa, lei leh van Lalpa, zia thilte hi mipilte leh mithiamte lak ah la îm ah, nausente kiang ah la puandaw ziak hin, la chung in ka kipak hi; ahi ngût hi, He pa, namgma mit mu ah ziate chu hi’ding ah kilawm leh pha lasak him ahi.

LUKA 10:21 Referans Kwoze

2 KORINTH 4:3

Himaleh, ka chanchinphau hi khû ah a um chun, mangthai zingte â ding ah khû ah um ahi.

EPHESA 1:11

Ama doidan leh lemguat dan ah thil zosia sêm in, a tup gual ah a guatlawkna chu, ama golua I hi’na ding uh ahi.

EPHESA 1:5

Ama chun a doi leh tup gual tak in, ei uh hi Jesu Khrista vang ah a chate hiding in, hepina ziakin ei la guatlawk tai.

MARKA 10:15

Titakzet in ka hil la hiu, kua’nle zia naupangte gual ah Pathian gam a la lawp lo ahi chun, a sung ah lut lo hial in au,” a tia.

MATTHAI 21:16

a kiang in, ziate thugen hi la he em? a hung tiu a. Jesu’n a kiang un, I, ka hia’i, Naupangte leh nausen nawi chep nalaite kam ah pawt chun, pâkna a bukimsak hi, ti ah kizik kha la sim kha puau ah a hem? a tia.

MATTHAI 16:17

Jesu’n a kiang in, Simon, Jonah Chapa, la hamphai! Taksa leh thisan in a hun hiatsak a hipua’n, van ah ka Pa’n a hun hiatsak ahi zawi.

SAM 8:2

Mêlma leh phuba late sukdaina ding leh, a hun do-te ziakin nausente leh, nawichep nalaite kam ah kipat in hâtna la hi’det hi.

LUKA 15:9

Ahi’n, a hun mudaw tak leh, a Invêngte leh a gualte ko khawm in, ei hung kipakpiu in, ka dangka thik matsua kha ka mu kit tai ti ding a hi.

LUKA 15:5

A mudaw tak leh, a liangko in hun pua’n tin, kipak ma ma in,

ZEPHANIAH 3:17

La lak ua um Lalpa, la Pathian chu, gâlhat leh zaw’na petu ahi; nangma suang in kipak in lim intin; a hepina’n hun hihat intin; la chung ah kipakna La ngai tak in sa’n a;

ISAI 66:1

Lalpa‘n zia gual hin a gen hi: Van chu ka lalchutpha ahi’n, lei tual hi ka keng ngakna ahi; kei â ding ah khoi tak ah In ei sak piak ding la hiu ah, ka chawldamna ding mun chule khoi tak hiding a hem?

ISAI 53:11

A thokgimna kipat in vâk mu’n a; a hetna ziakin lungkimna nei ta’n a. Mi diktat, ka nasêmpa chun, mi tam tak diktatsak intin, a dukdaklo’nau zosia ama’n paw ta’n a.

ISAI 29:14

ziaziakchun, ngai un, zia mite chung ah hin, thil kidang leh mak tak, thil lamdang tak chu hun bawl nalai ding ka hi; a mi pilteu pilna chu bei ta’n tin, lem hete lem hetna chule, sêlgûk hi zo ta’n a,” ti in.

JOHAN 11:41

Tichun, suang chu a likdok tau ah, Jesu’n van lam a en a, “He Pa, ka thu lei ngaithâk piak zing ziakin ka kipak hi.

ISAI 62:5

Tangval in nungakthiangtho a kichenpi gual in, la chateu in hun kichenpi intiu in, mo neitu monu chung ah a lungdam ma ma gual in, la Pathian uh la chung un kipak ma ma ta’n a.

ISAI 35:8

Zia tak ah chun lam tuangpi hung kithung intin, “Lamlian Thiangtho” ti hi’n a; mibuakte chun zia lamlian chu haw pua’n tiu in, Pathian mite â ding bep hita’n a. A haw tapo ngaituana bei nasa’n, gam mang pua’n au.

SAM 25:14

Lalpa chu ama laute gualpha ahi’n, a thuthung chu a kiang un a hetsak sek hi.

SAM 24:1

Lei chung leh a sung ah um zosia, khawvel leh a sung ah chêng zosia hitawh, Lalpa â ahi’n;

MATTHAI 3:7

Himaleh, Pharisaite leh Sadukaite tam tak baptisma chang ding ah hung a la mu phât in a kiang un, “Gulsuante haw, lungnatna hung tung ding chu pumpel dingin kua’n a hun hil em?