LUKA 10:2 - PATHIAN LEKHABU THIANGTHO (BSI)

² A kiang un, “Bulâk ding a tam ma ma in, a nasemte vang a tawm ui; chutichun, a ât ding ah nasemte hun sawl dingin bu neipa kiang ah chun don un.

LUKA 10:2 Referans Kwoze

1 THESSALONITE 5:12

Suapite haw, la lak ua sêmgim leh Lalpa ah hun enkolte leh nang uh hun hilte chu, ja bawl dingin ka ni la hiu.

MARKA 16:15

Tichun, a kiang un, “Khawvel zosia’n chiau inla, thilsiam zosia kiang in chanchinpha vagen un.

2 TIMOTHI 4:5

Nang vang chingthei tak in umzing in, haksatnate thuak inla, chanchinpha gen in pang zing inla, la nasepna chu mualsua ta’n.

2 THESSALONITE 3:1

A tawp pen ah chun, suapite haw, Lalpa thu chu nangmau lak ah a um gual in, kin tak ah thejak ah a umtheina ding leh,

MARKA 13:34

Mihing Chapa hi, khual gamla tak ah mi pakhat zindok gual chu ahi; zia pa chun a In a nutsia ding kuan in, a suakte kiang in thuneina a pia’n, a sep ding uh a pechiat ah, kotkhak vêngpa le ginum tak ah la vêng dingin thu a piai.

1 TIMOTHI 4:10

Zia ziak tak ah chun I sêmgim un, I pang ham ham uh ahi; Pathian hing ah chun I kinepnau a um ah, ama chu mi zosia Hukdampa, a gingte â ding ah hizaw diak ahi.

NASEPTE 22:21

Ziaphatchun, ama chun, zia kipat hin pawt in, gamla tak ah Jentelte kiang ah hun sawl ding ka hi, ei tia, ti’n a gen a.

NASEPTE 20:28

Pathian kochuamte, a chapa thisan ah a leisate chu vâk dingin, nanghaw leh la gan-gualteu chung ah chun chingthei un; Thagau Thiangtho in amau haw chu entup ding ah a hun koite chu la hingal un.

NASEPTE 13:4

Tichun, Thagau Thiangtho in a sawldaw dungzui in Seleukia khua lam zuan in a kipandok un, zia kipat chun Kupra tuikual gam lam ah long in a kitawl kâi un,

NASEPTE 13:2

Amau chun Lalpa ho ah an a ngol lai un, Thagau Thiangtho chun a kiang un, “Barnaba leh Saul kha ka kona lam ah nasem dingin ei koichuam piak un,” a hun tia.

NASEPTE 11:19

Stephen a se’lup lai leh sukgentheina a nasat lai ah khan, a lak ua khenkhatte chu Phoinikia leh Kupra gam lam leh Antiok lam tiang in a la tai tung un, thu chu Judate kiang tilo ngal midang kiang in a gen puau hi.

NASEPTE 8:4

A taijakte chu mun tin in a chia tau a, thu chu a puang jak pek un.

LUKA 9:1

Zia nung ah chun a nungzui sawm leh nite chu a ko khawm ah, thitha buakte nawdaw theina leh damlote sukdam theina thuneina a pia.

MARKA 16:20

Tichun, amau chu a kuandok un, mun tin in thu a gen ua, Lalpa‘n amau ah na a sêm pek ah, a thugenteu chu teptênate’n zui in, a sudet pek hi.

MATTHAI 20:1

Van gam chu gam neipa, a grep huan ah nasem ding chial ah jingkal ma tak ah tho ah, pawtdok gual chu ahi.

ZEKARIAH 11:17

Aw ka belampu dukdak lo, gan-gual jamsan ziangte haw! Chemjam in a khutbân leh a changlam mit sât kha hen la, a khut chu tantha kêi hen la, a changlam mitle thûm den ta hen! a ti tai.

JEREMIAH 3:15

Tichun, ka lungthim gual tak pu belamchingte hun pia’ng ka tin, amau chun hetna leh hetthiamna’n hun vâk in au.

PHILIPPI 2:25

Ahi’n, ka suapi leh seppi leh sepaipi leh, la thupawpau leh ka tâksapna ei khawtua sekpa, Epaphrodita hi la kiang ua hun sawl kul in ka hia’n;

PHILIPPI 2:21

A leng un Jesu Khrista â ding hawl lo in, amau â ding bep a hawl chiat un.

1 KORINTH 12:28

Pathian in kochuam ah chun zia gual hin a guat a: Pakhatna chun apostolte, a panina chun thugente, a pathumna chun mihilte a koi ah; ziazaw chun thilmak bawlte, ziazaw chun hi’dam theina thilpiakte, panpi theina thilpiakte, vaihawm theina thilpiakte, pau chuam chuam ah thugen theina thilpiakte a um kit hi.

KISIMNA LEKHABU 11:17

Hung suk ing ka tin, zia tak ah chun nangma hun ho ding ka hi; chuleh, nangma ah thagau um chu la khen ing ka tin, amau chung ah le koi ing ka; tichun, amau in mipite puakgik hun puakpi intiu in, nangma ngen in puakgik paw ta pua’n la.

KOLOSSA 1:29

Zia ding ziak ah hin, ama’n ei suk-hatna dungzui ah kimang in, gim tak ah sêm in, ka kihabawl ma ma hi.

PHILIPPI 2:30

Khrista nasepna chun a la thi tavang ah, kei â ding ah la sepkimloteu kha sep butin a guatna lam in a hinna le bangma’n a la ngailo ahi.

HEBRAITE 3:6

Himaleh, Khrista chu vang ama Insung in Chapa hi’ in a ginum hi; ama I muan ngamnau leh ama ah I kinepnau ah kipakna chu I tukdet zing ua leh ama Insung mite chu I hiu.

1 THESSALONITE 2:9

Suapite haw, ka sepgim dan uh leh ka chawl dan uh la hezing ui; la lak ua kuama â dia puakgik ka guanlona ding un, sûn leh jan ah na sêm in, Pathian chanchinpha ka hun hil uh ahi.

KOLOSSA 4:12

Epaphras, la lak ua mi, Khrista Jesu suak hin chibai a hun bûk hi; Pathian dawi gual taphot ah, piting leh muan um tak ah la dindet theina ding un, pauchapnate’n a pang sek hi.

2 KORINTH 6:1

Pathian hepina chu phatchuampi lo ah chang la hilona ding un, ama seppite hin in ka hun ni’ la hiu.

1 KORINTH 15:10

Himaleh, Pathian lungsiatna jal in ka hi’ding gual tak ka hi zo ta’n; chun a lungsiatna chu a thawn puai. Amau zosia sâng in ka sêm nasa zaw bawn hi; himaleh, keima sep hilo in, Pathian lungsiatna kei ah um chun a sep a hizawi.

ZEKARIAH 11:5

A chawte chun a that un, gawt in a um puau ah; a zuakte’n le ‘Lalpa chu pâk in um ta hen, ka hung hausa ta’ngal un,’ a tiu a; chuleh, a chingte nangawn inle a hepi puau hi.

1 LENGTE 18:22

Ziaphatchun, Elijah in mipite kiang in, “Kei, keima bepcha hi Lalpa jawlnei um sun ka hi tai; himaleh, Baal jawlneite chu za li leh sawmnga hial a hiu hi.

KISIMNA LEKHABU 11:29

Ahi’n, Mosi’n a kiang in, “Ka thasâng ah amau chu thangsia la hem? Lalpa mipi zosia hi jawlnei hiu hen la, a leng ua chung in Lalpa‘n a thagau koi chiat leh I ti’siat tawh!” a tia.

PHILEMON 1:1

Paul, Krista Jesu jal ah suangkul ngak leh, I suapiu Timothi hin, ka doitak uh leh ka sepgimpiu Philemon leh,

SAM 68:11

Lalpa‘n thu khau tak in a pia, chanchin pawte chu pawl lian tak a hiu a:

THUPUAN 2:1

Ephesa khua kochuam vansawlchâk kiang ah chun zia gual hin zik in: A khut changlam ah aksi pasagi chawi ah, sana thaumei koina pasagi lak ah vâk lumlet khan zia thu hi a gen hi: