LUKA 1:51 - PATHIAN LEKHABU THIANGTHO (BSI)

⁵¹ A khutbân in a thahât jia a etsak in, a lungthim ua kisatheite chu a the’chek tai.

LUKA 1:51 Referans Kwoze

SAM 98:1

Aw Lalpa chawihoi in La thak sau inla; thil lamdang takte a bawl ta ngal a. A khut changlam leh a bân thiangtho chun, zaw’na a chang ta ngal a.

ISAI 52:10

Nam tinte mit mu in Lalpa‘n, a khutbân thiangtho chu a lâmdok ta’n; tichun, kawl kîmvêl tiang ah mi zosia’n, I Pathian hukdamna chu hun mu ding a hiu.

ISAI 51:9

Aw, Lalpa khutbân chu hung tho inla, hung thodok in, hatna’n hung kithuam ta’n! Nidang lai ah khangluite hun lai gual ah khan, hung thodok in! Nangma hilo maw Rahab a them them ah âttel ah, dragon sunlum kha?

ROMTE 1:21

Pathian he maleu, Pathian ahi’na gual tak in a chawihoi puau ah, a chung ah kipakna châng le a hepuau hi; ziaziakchun, a lungthim suangtuanau in thil manlote bep a ngaitua tâk ziak un a lungthim ngol tak uh chu a thim zo tai.

DANIAL 4:37

Tichun, keima Nebukadnezar in van ah Lalpa chu pâk ah, chawihoi in ja’na ka pia tai: “A thilbawlte chu a dik in, a lampite le vaihawmna dik ahi ngal a; chuleh, kisathei tak ah umte chu a hi’niam thei hi,” ka ti tai.

ISAI 63:12

A khutbân lopi tak, Mosi khut changlam kitonpi zing a, kumtuang ah a minthanna ding ah, a ma-âng ua tuiliante khên tan a,

ISAI 40:10

En un, Lalpa Pathian chu thilhitheina tawh a hung in, a bân thahât in vai a hawm hi. En un, a kipakman chu a kiang in a um in, a thukna chun a kitonpi zing hi.

SAM 118:15

Midikte puanbûk ah chun gualzaw’na La het ahi’n; “Lalpa changlam khut in hangsan tak in a bawl sek in;

SAM 89:10

Rahab chu sapûl thi gual in la tawden in; la mêlmate chu la bân thahât in la thejak tai.

THILSIAM THU 6:5

Chun, Lalpa’n lei chung ah mihing gitlo dan nasat zia leh a lungthim ngaituanau zosia le gitlona dim zing ahi ti a he ta’n.

THUPUAN 18:8

Ziaziakchun, ni khat sung in a gawtna: thina leh lunggimna leh kialna tung intin; ama chu mei ah hâltum hi’n a; a chung ah vaihawm Lalpa Pathian chu a hât ngal a,” ti in.

1 PETER 5:5

Zia gual ma chun, khangdawng nalaite haw, upate nuai ah kitulut un. Ahi, la leng un na kiseptua piak chiat dingin thunuaigolna’n kivan unla: “Pathian in kiletsakte chu a dodâl in, kingaitawmte vang hepina a pesek hi,” ti ahi ngal a.

2 KORINTH 10:5

Lungthim ah ngaitua kawm ah mi nialna leh Pathian do-na ah kigêl thilsâng tak te chu suchim in, lungthim ngaituana zosia chu suak ah pui in Khrista thu ka nunsak sek ui.

SAM 89:13

Khutbân thahât tak la nei in; la khut a hât in, la changlam khut chu choisa’n in a um hi.

SAM 63:5

Ka hinna hi luai lopi tak ûm gual in a tai ah, ka kam hin limna mûk in a hun pâk in,

SAM 52:9

Kei â ding ah zia chu lei bawl piak ziakin, kumtuang in la chung ah kipak thu gen ing ka. Mi ginumte lak ah chun la min puangjak ing ka; zia chu a pha ngal a.

SAM 33:10

Lalpa‘n nam tin lunggel chu bangmalo a chansak ah; mi tin thil guanggal chu bangmalo a suaksak sek hi.

DAN LEKHABU 4:34

Ahiloleh, nam dangte lak ah patepnate, teptênate, thilmakte, kidona ah a khut thahât takte bânjak ah, tizat um tak ah Aiguptate khut ah kipat Lalpa la Pathian un la mit mu ngei ua, ama â ding bîk ah a hun kipui daw gual ah hin, Pathian dang, zia gual bawlthei leh bawl kha hi la he’kha ngai him him awm?

PAWTDAWNA THU 18:11

Tu’hin, Lalpa chu pathian dang zosia sâng in a lianzawi ti ka he tai; a chung ua nunsia tak ah thu a nei khum zing lai un, a mipite chu Aigupta mite khut ah kipat in a hukdok ta’ngal in,” a tia.

THILSIAM THU 8:21

Lalpa’n a gim namtui chu a het phat in a lungthim in, “Mihingte ziakin lei chung hi hânsia law kit ta pua’ng ka; mihing lungthim ngaituanate chu a naupan lai ua kipat gilo ngen ahi ngal un; tu’hun ah ka gawtna gual hin mihing zosia hi gawt kit ta pua’ng ka.

THILSIAM THU 11:8

Chutichun, Lalpa’n amau haw chu zia tak ah kipat chun lei chung zosia’n a thejak ta’n; tichun, a khawpi bawl lai uh chu a haisan tau hi.

JEREMIAH 49:15

Namtin lak ah a neu pen in hun siam ding ka hi’n, mihingte simmaw hung hiding la hi tai.