LUKA 1:33 - PATHIAN LEKHABU THIANGTHO (BSI)

³³ Jakob suante chung ah kumtuang in vaihawm intin, a gam in tawp ni nei ta pua’n a,” a tia.

LUKA 1:33 Referans Kwoze

DANIAL 2:44

Chuleh, zia gual ah lengte um sung ah chun, van Pathian in lenggam khat hun tungdok intin, zia chu kuama’n susia thei pua’n tiu in, zia lenggam chun kuama â ding khêk ta pua’n a. Zia lenggam chun lenggam dang zosia khen nawn dim dem in, subei zo ta’n a; ama chu vang kumtuang in umden ta’n a;

HEBRAITE 1:8

Ahi’n, Chapa chung thu ah chun zia gual hin a gen a: Aw Pathian, la lalchutpha chu, kumtuang in a um zing hi; dikna lal tiang chu la lenggam lal tiang ahi.

DANIAL 7:27

Van nuai khawvel ah lalna zosia leh thuneina zosia, Chungnung Penpa mi thiangthote kiang ah piak hita’n a; a lenggam chu kumtuang lenggam hita’n tin, thuneina zosia’n ama na sêm in, a thu mang ta’n au, ti in.

2 SAMUEL 7:16

La Insung leh la lenggamte chu ka ma-âng ah hin sukdet hi’ntin, la lalchutpha chu kumtuang dai dingin namdet ta ding ka hi,” ti in.

THUPUAN 11:15

Chun, vansawlchâk pasagina chun a pengkul chu a mût leh, van ah aw thupi tak a hung gi’, “Zia khawvel lenggam hi Lalpa leh, a Khrista gam a hita hen; ama chun kumtuang in vaihawm ta’n a,” a hun tia.

MATTHAI 28:18

Jesu a hung ah, a kiang un, “Lei chung leh van ah thuneina zosia ka kiang ah piak ahi tai;

SAM 45:6

Aw Pathian, la lalchutpha chu kumtuang, kumtuang in a um hi. La lal tiang chule dangdâk diak, neilona lal tiang ahi hen;

MIKAH 4:7

A kengbaite chu a um sun dingin hawi ing ka tin, pai mang ah umte chu, nam hat tak hiding in siam kit ing ka; LalpaZion tâng ah kipat in, a chung un tu’ kipat kumtuang tiang in vaihawm ta’n a.

DANIAL 7:18

Himaleh, Chungnung pen ah Mithiangtho chun lenggamte chang intin, kumtuang tiang in changden ta’n a,” a hun ti tai.

GALATIA 3:29

Chuleh, Khrista â la hiu chun, Abraham suan, thutiam dungzui ah golua dingte chu la hitau hi.

ROMTE 9:6

Himaleh Pathian thu chu a lawsam ahi diak puai. Israel suante zosia chu Israel ahi sik sek ziang puau hi.

GALATIA 6:16

Zia dan gual ah um tapote chung ah chun chamna leh jangaina um ta hen.

PHILIPPI 3:3

Thagau ah Pathian ho in, Khrista Jesu kisuanpi ah, taksa ah kimuang lote hi zektan dik tak I hizaw ngal un.

MATTHAI 1:1

Abraham suan, David suan ah Messiah kiti, Jesu hung pian dan chu zia gual hi ahi:

OBADIAH 1:21

Hukdaw ah umte chu Esau tâng chung ah, vaihawm dingin, Zion tâng ah chun chia to ta’n au; tichun, lenggam chu LALPA â hita’n a.

2 SAMUEL 7:13

Ama chun ka In ding ei sak piak intin; tichun, a lenggam lalchutpha chu kumtuang dai dingin sukdet piak ing ka.

SAM 89:4

La suante chu kumtuang dai dingin phudet ing ka tin, la lalchutpha chule suan zosia â dingin, lem ding ka hi,” la ti ta ngal a.

ISAI 9:7

A thuneina khang jel intin, David lalchutpha leh a lenggam chun kichamna um zing ta’n a. Ama’n dikna leh thu tak ah tungding in tudet zing in a; tu’kipat leh kuamtuang tiang in. Sepai honte Lalpa phatchuam ngaina’n zia gual chun bawl ding ahi.

ISAI 16:5

Lal chutpha khat chu ngilneina leh ja’ngaina’n, David puanbûk ah tundin hi’ntin; a chung ah dikna ngaina leh, ginumna ngaina, kin tak ah dikna leh, ginum tak ah vaihawmtu ding chu hung kichu ta’n a.

JEREMIAH 23:5

David â ding ah Bâk dik tak ka hun tun dinna ding chu hung tung ngei ngei ding ahi. Ama chun leng gual in vaihawm intin, pil tak in ngaitua in ah; dikna leh thu tak in a gam chu vaihawm ta’n a.

DANIAL 4:34

A hunte chu a bei phatin, keima, Nebukadnezar in van lam ka etto ah, ngaituana pangai ka hun nei kit phatin; Hat Chungnung chu ka pâkcha tai. Ama kumtuang ah hingzingpa chu pâk in ka chawihoi ta’n: A lalna’n kumtuang a dai in, a lenggam in khang zosia a dai hi;

DANIAL 6:26

Thupiak ka bawl tai: Ka lenggam ah mi zosia’n Danial Pathian chu lau in, kithing tau hen: Ama chu Pathian hing, kumtuang dai ahi ngal a. A lenggam suksiat ni um pua’n tin, a lalna’n tawp a nei puai.

LUKA 1:34

Mari’n vansawlchâk kiang ah chun, “Nungak thiangtho ka hingal in, zia gual chu bang ti’n um thei ding a hem?” a tia.